Jetisý oblysy Kerbulaq aýdany Shaǵan aýylynda Uly Otan soǵysy ardagerlerine arnalǵan eskertkish qıratyldy, - dep habarlaıdy "Adyrna" tilshisi.
Soǵysqa qatysqandardyń aty-jóni jazylǵan taqtaıshalar usaq bólshekterge bólingen.
"Búginginiń muńdy kórinisi. Aýdan basshysy beıbit ómir súrýge jáne bolashaqqa jospar qurýǵa múmkindik bergen jerlesteriniń erligin umytsa, mańyzdy áleýmettik máselelerdi qalaı sheshedi?" - deıdi jergilikti turǵyndar.
Ákimdik ókilderi máseleniń mán-jaıyn biledi, biraq eskertkishtiń nelikten aıanyshty kúıde ekenine jaýap bermegen. Tek jóndeletinine sendirgen.
"Shaǵan aýylyndaǵy eskertkish Kerbulaq sotynyń sheshimimen aýyldyq okrýg ákimi apparatynyń kommýnaldyq menshigine berildi. Qazir Ádilet organdarynda tirkeýden ótip, memlekettik akt daıyndalyp jatyr. Osy rásim aıaqtalǵannan keıin qujattamany zańdastyrý úshin aıtylǵan nysandy jóndeýge qarajat bólýge ótinim beriledi", - dedi Kerbulaq aýdany ákiminiń baspasóz qyzmeti ókili.
Eskertkishtiń jóndeý jumystary aıaqtalatyn naqty merzimi ázirge belgisiz.
