جەتىسۋ وبلىسى كەربۇلاق اۋدانى شاعان اۋىلىندا ۇلى وتان سوعىسى ارداگەرلەرىنە ارنالعان ەسكەرتكىش قيراتىلدى، - دەپ حابارلايدى "ادىرنا" ءتىلشىسى.
سوعىسقا قاتىسقانداردىڭ اتى-ءجونى جازىلعان تاقتايشالار ۇساق بولشەكتەرگە بولىنگەن.
"بۇگىنگىنىڭ مۇڭدى كورىنىسى. اۋدان باسشىسى بەيبىت ءومىر سۇرۋگە جانە بولاشاققا جوسپار قۇرۋعا مۇمكىندىك بەرگەن جەرلەستەرىنىڭ ەرلىگىن ۇمىتسا، ماڭىزدى الەۋمەتتىك ماسەلەلەردى قالاي شەشەدى؟" - دەيدى جەرگىلىكتى تۇرعىندار.
اكىمدىك وكىلدەرى ماسەلەنىڭ ءمان-جايىن بىلەدى، بىراق ەسكەرتكىشتىڭ نەلىكتەن ايانىشتى كۇيدە ەكەنىنە جاۋاپ بەرمەگەن. تەك جوندەلەتىنىنە سەندىرگەن.
"شاعان اۋىلىنداعى ەسكەرتكىش كەربۇلاق سوتىنىڭ شەشىمىمەن اۋىلدىق وكرۋگ اكىمى اپپاراتىنىڭ كوممۋنالدىق مەنشىگىنە بەرىلدى. قازىر ادىلەت ورگاندارىندا تىركەۋدەن ءوتىپ، مەملەكەتتىك اكت دايىندالىپ جاتىر. وسى ءراسىم اياقتالعاننان كەيىن قۇجاتتامانى زاڭداستىرۋ ءۇشىن ايتىلعان نىساندى جوندەۋگە قاراجات بولۋگە ءوتىنىم بەرىلەدى", - دەدى كەربۇلاق اۋدانى اكىمىنىڭ ءباسپاسوز قىزمەتى وكىلى.
ەسكەرتكىشتىڭ جوندەۋ جۇمىستارى اياقتالاتىن ناقتى مەرزىمى ازىرگە بەلگىسىز.
