Qasym-Jomart Toqaev Saud Arabiiasynyŋ ısker toptar ökılderımen ötken investisiialyq döŋgelek üstelge qatysty. Būl turaly Aqorda jazdy, dep habarlaidy «Adyrna» tılşısı.
Prezident jiynǧa qatysuşylarǧa ıltipat bıldıre otyryp, memleketterımızdıŋ keleşek ekonomikalyq damuǧa degen közqarastary ūqsas ekenın atap öttı.
– «Saudi Vision-2030» baǧdarlamasy men bızdıŋ «Qazaqstan-2050» strategiiasy ekonomikany ärtaraptandyru, şikızatqa täueldılıktı tömendetu, adami kapitalǧa investisiia salu, tüptep kelgende, joǧary damyǧan elderdıŋ qataryna kıru arqyly ūlttyq damuǧa qol jetkızudı közdeidı, – dedı Memleket basşysy.Prezident Saud käsıpkerlerıne Qazaqstannyŋ ekonomikalyq jetıstıkterı turaly mälımet berdı.
– Täuelsızdık jyldary Qazaqstannyŋ ışkı jalpy önımı 17 ese östı. Bügınde Qazaqstan ekonomikasy Ortalyq Aziiadaǧy barlyq özge elder ekonomikasynyŋ jiyntyq kölemınen asyp tüsedı. Ortalyq Aziiadaǧy tauar ainalymynyŋ 60 paiyzǧa juyǧy Qazaqstanǧa tiesılı. Elımızdıŋ halyqaralyq rezervı – 90 milliard dollar jäne TMD boiynşa jan basyna şaqqanda eŋ joǧarysy sanalady. Şeteldık investorlar elımızdıŋ ekonomikasyna 380 milliard dollardan astam qarjy qūidy. Būl Ortalyq Aziia aimaǧyna salynǧan jalpy investisiianyŋ 70 paiyzyn qūraidy, – dedı Qasym-Jomart Toqaev.Memleket basşysy yntymaqtastyqty keŋeitudıŋ meilınşe perspektivtı salalaryn belgılep berdı.
– Bız jürgızgen taldauǧa säikes Qazaqstan maşina jasau, şoiyn jäne bolat öndırısı, sondai-aq tamaq önerkäsıbı men auyl şaruaşylyǧy siiaqty salalar boiynşa qūny şamamen jylyna 400 million dollar bolatyn şikızat tauarlarynyŋ 100-den astam türın ūsyna alady, –dedı Prezident.Qasym-Jomart Toqaev Qytai, Qazaqstan, Äzerbaijan, Gruziia jäne Türkiia arasyn jalǧastyratyn kölık-tranzit jäne logistikalyq mümkındıkterdı, sonyŋ ışınde Transkaspii baǧdaryn ärtaraptandyrudy jäne keŋeitudı ekınşı maŋyzdy baǧyt retınde atap öttı. Onyŋ pıkırınşe, yntymaqtastyqtyŋ mol äleuetın ekonomikanyŋ naqty sektorynda da paidalanuǧa bolady.
– Qazaqstan älemde volfram qory boiynşa 1-oryn, uran men hrom boiynşa 2-oryn alady, al marganes, kümıs, myryş, qorǧasyn bailyǧy boiynşa alǧaşqy bestıkke kıredı. Būl qorlardy barlap, zertteu kerek. Qarqyndy damyp kele jatqan Qytai men Oŋtüstık Aziia naryǧyna jaqyndyǧymyzdy eskere otyryp, investisiia saluǧa, şyn mänınde, būl jaqsy mümkındık. Bügın bız barlau jäne äzırleme jūmystary üşın baǧaly jäne tüstı metaldyŋ 60-tan astam ken ornyn ūsyna alamyz, – dedı Memleket basşysy.Qazaqstan men Saud Arabiiasynyŋ mūnai himiiasy, atom energetikasy, jasyl sutegı öndırısı salalaryn damytu, ǧaryşty zertteu jönınde jäne basqa da baǧyttar boiynşa jospary bar.
– Bız Koroldıktıŋ Saudi Vision-2030 strategiiasy aiasynda özınıŋ ǧaryştyq baǧdarlamasyn damytuǧa degen nietın qoldaimyz. Elderımızdıŋ ǧaryş keŋıstıgın zertteu jäne beibıt maqsatta paidalanu salasyndaǧy yntymaqtastyq üşın tiıstı qūqyqtyq bazasy bar. Qazaqstannyŋ aeroǧaryş salasyn damytu üşın täjıribesı de, äleuetı de jetkılıktı. Bızdıŋ kompaniialarymyz osy salalar boiynşa Saud Arabiiasynyŋ memlekettık jäne jeke kompaniialarymen özara yntymaqtastyq ornatuǧa daiyn, – dedı Qasym-Jomart Toqaev.Prezident otandyq agrosektordyŋ äleuetıne de toqtaldy.
– Qazaqstan egıstık kölemı boiynşa jan basyna şaqqanda älemde ekınşı, jaiylymdyq jerler jönınen besınşı oryn (180 million gektar) alady. Elımız bidai ösıretın jäne ūn öndıretın 10 ırı memlekettıŋ qataryna kıredı. Bız Koroldıkke joǧary sapaly bidai, ūn jäne maily daqyldardy tūraqty ärı ūzaq merzımdı jetkızuşı elderdıŋ bırı boluǧa daiynbyz, – dedı Qasym-Jomart Toqaev.Qasym-Jomart Toqaev Qazaqstanda investorlar üşın zamanaui institusionaldyq orta qalyptasqanyn eske saldy.
– Osy mümkındıktı paidalana otyryp, Qazaqstannyŋ Saud Arabiiasymen aradaǧy ekıjaqty yntymaqtastyqty nyǧaituǧa jäne keŋeituge beiıldı ekenın rastaǧym keledı. Bügın osynda bükıl älemde aitarlyqtai tabystarǧa qol jetkızgen Saud Arabiiasynyŋ ırı kompaniialarynyŋ basşylary qatysyp otyr. Men bärıŋızdı özara tiımdı negızde Qazaqstanda bırlese jūmys ısteuge şaqyramyn, – dedı Qazaqstan Prezidentı.
