Prezident Qasym-Jomart Toqaev Premer-ministrdıŋ orynbasary Eraly Toǧjanovty qabyldady, dep habarlaidy «Adyrna» tılşısı Aqordaǧa sılteme jasap.
Memleket basşysyna Halyqtyŋ tabysyn arttyru baǧdarlamasynyŋ jüzege asyrylu barysy turaly mälımet berıldı.
Eraly Toǧjanov Qasym-Jomart Toqaevqa bırınşı jartyjyldyqtyŋ qorytyndysy boiynşa Baǧdarlama şaralary aiasynda biudjet salasyndaǧy 850 myŋ qyzmetkerdıŋ, kvazisektordyŋ öndırıstık baǧytynda jūmys ısteitın 240 myŋ jäne biznes qūrylymdaryndaǧy 1,2 million eŋbekkerdıŋ jalaqysy öskenın baiandady.Prezidentke Ükımettıŋ barlyq äleumettık mındettemelerdı oryndap jatqany turaly aityldy. Jergılıktı atqaruşy organdarmen bırlesıp, tabysy joq azamattardyŋ ekonomikaǧa äleumettık tūrǧydan jūmyldyryluyna qatysty keşendı şaralar atqarylyp jatyr. Būl rette olarǧa jūmys oryndary aşylyp, jaŋa käsıp türlerın meŋgeru üşın bılıktılıkterın arttyruǧa mümkındık jasaluda. Premer-ministr orynbasarynyŋ aituynşa, 2025 jylǧa deiıngı investisiialyq jobalardy jüzege asyru aiasynda 2 millionnan astam jūmys ornyn aşu josparlanǧan. Onyŋ 444 myŋy biyl aşylmaq. 1 şıldedegı mälımet boiynşa 249 myŋ adam jūmyspen qamtylǧan. Būl jyldyq jospardyŋ 56 paiyzyna säikes keledı. Äkımdıktermen bırlesıp, öŋdeu önerkäsıbı, mūnai-gaz himiiasy salarynda jäne agrarlyq sektorda 2025 jylǧa deiıngı investisiialyq jobalar puly jasaqtalǧan. Būl tızımde 266 myŋnan astam adamdy jūmyspen qamtityn 847-ge juyq joba bar. Memleket basşysyna «Jastar taǧylymdamasy» jäne «Alǧaşqy jūmys orny» jobalary boiynşa taǧylymdamadan ötu merzımın ūzartu, eŋbekaqy kölemın arttyru jäne jastardyŋ jaŋa biznes ideialaryn jüzege asyruǧa bölınetın granttardyŋ kölemın ösıru jönınde baiandaldy. Halyqtyŋ äleumettık jaǧdaiy tömen toptaryna jatatyn azamattardyŋ tūraqty tabys tabuy üşın jaǧdai jasaluda jäne äielderdı jūmyspen qamtu tetıgı äzırlendı. Memleket basşysy halyqtyŋ tabysyn arttyrudyŋ maŋyzdylyǧyn jäne mūnyŋ ūlttyq jobalarda közdelgen maqsattarǧa qol jetkızuge tıkelei bailanysty ekenın atap öttı. Ükımetke atalǧan mäselelerdı erekşe baqylauda ūstau tapsyryldy. Prezident azamattardyŋ tabysyn arttyru jūmystary barlyq ortalyq jäne jergılıktı atqaru organdary üşın basty mındet boluǧa tiıs dep sanaidy.
