Atyraý qalasyndaǵy "Bilim-Innovaııa" lıeı-ınternatynyń túlegi Rızabek Alpamys UBT-dan eń joǵarǵy 132 ball jınady. Bolashaǵyna nyq senimmen qaraıtyn túlek Ońtústik Koreıadaǵy Ulsan National Institute of Science and Technology (UNIST) ýnıversıtetine oqýǵa tústi. Bul týraly Óńirlik kommýnıkaııalar qyzmeti jazdy, dep habarlaıdy «Adyrna» tilshisi.
Ol sonymen qatar Ońtústik Koreıanyń eki aldyńǵy qatarly ǵylymı zertteý jáne tehnologııa ýnıversıteti men Gonkongtaǵy ǵylym jáne tehnologııalar ýnıversıtetinen shaqyrtý alǵan.
Túlek 2021 jyly Eýropalyq fızıka olımpıadasynan kúmis medal, bıyl Azııa olımpıadasynan qola medaldi qanjyǵasyna baılaǵan. 2021-2022 jyldary halyqaralyq fızıka olımpıadasynan eki dúrkin kúmis medal ıegeri atandy. Bıyl O.Jáýtikov atyndaǵy halyqaralyq olımpıadadan da altyn medal ıemdengen.
«Maqsatym - jańa tehnologııalardy oılap tabýǵa óz úlesimdi qosý. Qazaqstandaǵy ǵylym men tehnıka salasyn damytýǵa at salyssam degen oıym bar. Bos ýaqytymda baǵdarlamalar qurastyrǵandy, fýtbol oınaǵandy jaqsy kórem. Biraq ýaqytymnyń kóbin ǵylymmen aınalysýǵa arnaımyn»,– deıdi bolashaq ǵalym.
Aıta keteıik, Ulsan National Institute of Science and Technology oqý ordasy bilim deńgeıi boıynsha álemdegi eń myqty 200 ýnıversıtettiń qataryna kiredi.
