«Kelyn-Kazharm» JŞS farmaseptikalyq önım şyǧaratyn käsıp oryn Almaty oblysy Qarasai audanynda ornalasqan. Orta Aziiadaǧy eŋ ırı öndırıs oşaǧy 2014 jyldan berı jūmys ısteidı. Qazırgı taŋda jylyna 140 mln. därı qūiylǧan şyny qūty şyǧaruǧa qauqarly.
«Kelyn-Kazharm» zauytynda negızınen polipropilen qapşyǧyna qūiylǧan infuziialyq erıtındıler men şyny qūtylar jäne polipropilen ampulalaryndaǧy ineksiialyq erıtındılerdı öndıredı. Aldaǧy uaqytta liofilendırılgen ūntaq pen antibiotikter jäne türlı ısıkke qarsy preparattar şyǧaru qolǧa alynbaq. Öndırıske qajettı şikızat äzırge Singapurdan jetkızılude. Därılık preparattardyŋ sapasy Japoniia men Singapurda şyǧarylǧan zamanaui qondyrǧylar ornatylǧan zerthanalarda tekserılude.
Audandyq käsıpkerlık bölımınıŋ basşysy Ǧaziz Maldybaevtyŋ aituynşa, «Kelyn-Kazharm» JŞS ırı biznes subektılerınıŋ qataryna jatady. Käsıporyn import almastyru mäselelerın tolyqtai şeşıp, elımızdı sapaly ärı qoljetımdı därımen qamtamasyz etude. Önımın şetel naryǧyna da şyǧara bastaǧan.
«Zauytta bügınderı 311 adam eŋbek etedı. Olardyŋ qatarynda Qytaidan kelgen mamandar da bar. Aldyn ala jasalǧan kelısımşart boiynşa käsıporynda S.Asfendiiarov atyndaǧy Qazaq ūlttyq medisina universitetınıŋ studentterı öndırıstık täjıribeden ötude. Oqularyn bıtırgennen keiın osynda eŋbek etuge qalatyndardyŋ qatary da jyl ötken saiyn artyp keledı»,-deidı «Kelyn-Kazharm» JŞS-ınıŋ direktory Merei Slamūly.«Kelyn-Kazharm» zauytynda medisinalyq preparattardyŋ 150 türı şyǧarylady. Ötken jyly mūnda 2649 mln.teŋgenıŋ önımı öndırılse, biyl būl körsetkış 7903 mln. teŋgege jetedı dep kütılude.
