Ūljan Qūdaibergenqyzy: Käsıpke ūlymnyŋ arqasynda keldım

Elordada tabysty käsıpker bola bastaǧan köpbalaly analardyŋ sany künnen-künge artuda. Olarǧa käsıptı bastauǧa memlekettık baǧdarlamalar kömektesude. Bügın bız köpbalaly ana ǧana emes, sonymen qatar eŋbekqor, jıgerlı biznesvumen bolyp tabylatyn Ūljan Qūdaibergenqyzy turaly aitatyn bolamyz. Myrzageldieva Ūljan Qūdaibergenqyzy joǧary bılımdı joǧary sanatty 20 jyldyq eŋbek ötılı bar qazaq tılı men ädebietı pänınıŋ mūǧalımı. Qazırgı taŋda, äleumettık käsıpker. - 2010 jyly OQO-nyŋ "Jyldyŋ üzdık ūstazy" ataǧyn jeŋıp aldy; - 2011 jyly ministrdıŋ "Üzdık ūstaz" marapatyn ielengen; - «Amanat» partiiasynyŋ, oblystyq, qalalyq bılım basqarmalarynyŋ madaqtary, oblys, qala äkımderınıŋ Alǧys hattary; - 2021 jyly El Prezidentı Qasym-Jomart Kemelūly Toqaevtyŋ "Halyq alǧysy" medalımen marapattaldy. Ūljan hanym būl künge deiın bırneşe käsıptı aşyp körgen, köp täjıribe jinaǧan. Tıptı, «Myqty analar» qorynyŋ jetekşısı bolyp, köpbalaly analarǧa kömektesken. Sonymen qatar, Ūljan qaiyrymdylyqpen köp ainalysady: olar demeuşılerdı ızdep, tauyp, azyq-tülık, därı-därmekterdı mūqtaj otbasylarǧa taratady; Atameken ŪKQ ortalyǧynyŋ "Bastau-Biznes" baǧdarlamasy boiynşa oqyp, 200 AEK kölemınde grant iegerı atanǧan men, 2021 jyly "Biznestıŋ jol kartasy - 2025" baǧdarlamasy boiynşa 5 mln grant jeŋıp, "Bilim all IT" oqu ortalyǧyn aşyp, köpbalaly otbasynyŋ balalary men erekşe balalardy tegın oqytyp kelemın. Käsıp bastaǧan kezdegı kedergıler - jalǧa alatyn ǧimarattyŋ jaldau qūny joǧary boldy, öitkenı AO "SPK Astana" mekemesınen ǧimarat alu öte qiyn. Aktivtegı daiyn, remonty bar ǧimarattar "men sekıldı" janǧa berılmeidı, jöndeu jūmysy joq, jertölede ornalasqan bölmelerdı ūsynady. Al, öz qarjysy joq, jaldamaly päterde tūratyn, 4 balasy bar anaǧa ondai qymbat baǧada jöndeu jasau qol jetpes dünie... Bıraq, Saryarqa audanynyŋ äkımı qoldau körsetıp, demeuşılerdıŋ kömegımen 3 aiǧa ǧimarat jaldap berıp, öz ısımdı bastap, tabysqa ılıgıp kettım, -deidı Ūljan hanym. - Käsıptı bastauǧa ne sebep boldy? - Osy jolǧa keluıme sebepker bolǧan ūlym – Nūrsūltan. Jalǧyzbasty anamyn.Taǧdyrdyŋ jazuy bolar, älı baspanasyzbyn. Tūrǧyn üige kezekte tūrmyz. Qazır päter jaldap tūramyz. Bıraq, öz päterımızdıŋ kıltın alatyn künnıŋ jaqyn ekenın sezemın. 4 balam bar - ülken ūlym Sūltan Beibarys diplom alyp, jūmysqa ornalasty; Ekınşı ūlym Nūrsūltan biyl mekteptı "Altyn belgımen" bıtırıp, ŪBTdan 114 ball jinap, ENUdıŋ "ekonomika jäne qarjy" mamandyǧyna qūjat tapsyrdy; Ülken qyzym Şūǧyla, 2-synypqa öttı; Kışı qyzym - Raian balabaqşa tärbielenuşısı. Osyndan bırneşe jyl būryn ūlym - Nūrsūltan, «Nūrsūltan ziiatkerlık mektebıne» tüsu üşın 6-synypta öz betımen daiyndaldy, öitkenı aqyly türde oqytu kurstaryna qatystyru üşın mende artyq qarajat bolmady. 1 jyl boiy bar küşımen daiyndalǧan ūlym Nūrsūltan ziiatkerlık mektebınıŋ emtihanynda 790 ball jinap rezervke ǧana ılındı. Sol kezde ūlym jylap tūryp aitqan bolatyn, "eger bızde artyq aqşa bolǧanda, NZM baǧdarlamasymen daiyndaityn kurstan ötkenımde, NZM-ge tüsuşı edım" dep... Bır ǧana mūǧalımnıŋ jalaqysymen kün körıp otyrǧan köpbalaly ana qalai balany qosymşa ortalyqqa bere alady?... Sodan men osyndai, iaǧni köpbalaly otbasynyŋ balalaryna motivasiia beretın, olardyŋ şyǧarmaşylyq qabıletın damytatyn oqu ortalyǧyn aşudy armandadym. Şükır, öz adal eŋbegımnıŋ arqasynda aştym, al NZM-ge tüsudı armandaǧan ūlymnyŋ joly bolyp, JOO-na Grantqa tüsuın tıleimız. - Özıŋızdıŋ "Bilim all IT" oqu ortalyǧyŋyz turaly aita ketseŋız? - Qazırgı taŋda men basqaryp otyrǧan "Bilim all IT" oqu ortalyǧynda 115 otbasynyŋ 220 balasy tegın bılım alyp jatyr, al olarǧa 18 mūǧalım bılım berude. Balalarǧa bılım berude ızdenıs, jaŋaşyldyq mındettı qajet. Sol üşın "Jas mamandardy äleumettık osal top balalaryna bılım beru arqyly pedagogikalyq eŋbek täjıribesın jinauǧa baulu ortalyǧy" jobasyn qūryp, osy joba negızınde Nūr-Sūltan qalasy Jūmyspen qamtu ortalyǧynan "Jastar praktikasy" baǧdarlamasy aiasynda jas mamandardy jūmyspen qamtyp otyrmyn. Jas mamandar üirete otyryp, özderı de üirenedı, äleumetke jaqyn boludy üirenedı! Oqu ortalyǧynda tek qana bılım berıp qoimai, qosymşa qaiyrymdylyq ıs-şaralaryn da ötkızıp otyramyn. Ondai ıs-şaralardyŋ basy-qasynda Nūr-Sūltan qalasy äkımdıgı men Saryarqa audanynyŋ äkımdıgı jüredı. Demeuşılerdıŋ qoldauymen qanşama mūqtaj otbasylarǧa azyq-tülık sebetın, balalarǧa kiım-keşek, ai saiyn qūrban et, balalardy tegın qydyrtu, biyl oqu ortalyǧynyŋ 50 balasy respublikalyq deŋgeidegı "Baldäuren" lagerıne tegın joldamamen demalyp keldı. Osyndai ülken qoldau bıldırıp otyratyn Bas qala basşysyna da aitar alǧysym şeksız! - Öz käsıbın bastaǧysy keletın qyz-kelınşekterge qandai keŋes beresız? - Öz käsıbın bastaimyn degen qyz-kelınşekterge aitarym: eşqaşan da keş emes - bastap, aiaqqa nyq tūryp, özgege ülgı bolu üşın! Äreket etken adam berekege jolyǧady! Özın syilap, qūrmettep, jaqsy körıp üirene otyryp, älemdı jaqsy köre bastaidy! Är qazaq öz elınde, sonşama bailyqtyŋ üstınde ömır süre otyryp, bai boluǧa laiyqty! Söz soŋynda aitarym, men sekıldı öz käsıbın bastaimyn degen anaǧa balyq emes, qarmaq bergen Memlekettık baǧdarlamalardyŋ qoldau tapqany dūrys! Ükımet qolynan kelgen kömegın jasap jatyr, būryŋǧydai emes, qazır halyq ünıne qūlaq asatyn memleket qaǧidatyn ūstanǧan basşylar köbeidı! Endı sol basşylardyŋ nazary halyqqa auyp, halyq üşın qyzmet atqaruyn qoldauymyz kerek! Jaŋa Qazaqstanǧa bırge qadam jasaiyq. - Käsıbıŋızge sättılık, sūhbatyŋyzǧa rahmet.