Qazaqstan Qytaiǧa 1,5 myŋ aqböken syilamaq. Atalǧan şeşımdı Prezident Qasym-Jomart Toqaev qabyldaǧan jäne jauapty ministrlıkke tapsyrma jüktegen, dep habarlaidy "Adyrna".
Qytaiǧa berıletın 1500 kiık sol eldegı kiık populiasiiasyn qalypqa keltıruge baǧyttalǧan.
"Qazaqstan Prezidentı Qasym-Jomart Toqaev Qytaida kiık populiasiiasyn qalpyna keltıru maqsatynda olardy Qytaidyŋ batys bölıgıne qonystandyru üşın 1 500 kiıktı syiǧa beru turaly şeşım qabyldaǧanyn mälımdedı", – dep jazylǧan resmi habarlamada.
QHR töraǧasy Si Szinpin būl şeşım üşın el Prezidentıne alǧysyn jaudyrdy, sebebı būl Qytai ükımetı üşın ülken kömek bolmaq.
Ekologiia jäne tabiǧi resurstar ministrlıgı däl osyndai tapsyrmanyŋ baryn rastady jäne mäselenı şeşuge, jūmysty jüielı atqaruǧa küş salyp jatqanyn jetkızdı.
Būǧan deiın otandyq BAQ-ta kiık sanyn retteu ıs-şaralary küzde bastaluy mümkın ekenı köp jazyldy.
Dese de, mamandar kiık sanyn retteuge, aulauǧa qatysty ǧalymdardyŋ biologiialyq negızdemesı älı daiyn emes ekenın alǧa tartty.
Däl osy qūjatqa, säikes, kiıktıŋ belgılı bır sanyn aulau mäselesı oŋ şeşımın tabuy yqtimal. Sonymen qatar, aŋşylarǧa analyq kiıktı ǧana atuǧa rūqsat berıluı mümkın.
