Memleket basşysy Qasym-Jomart Toqaev polisiia qyzmetkerlerı men memlekettık qyzmetşılerdı käsıbi meiramdarymen qūttyqtady, dep habarlaidy «Adyrna» tılşısı.
«Bügın elımızde – Polisiia künı jäne Memlekettık qyzmetşı künı atalyp ötude. Sondyqtan, aldymen, elımızdegı polisiia qyzmetkerlerı men memlekettık qyzmetşılerdı käsıbi meiramdarymen qūttyqtaimyn. Memleketke qyzmet etu – eŋ qūrmettı ärı asa jauapty mındet. Sızder zaŋ men tärtıptı saqtauǧa jäne azamattardyŋ qūqyǧyn qorǧauǧa zor üles qosyp jürsızder»,—dedı ol qūqyq qorǧau organdarynyŋ keŋeitılgen alqa mäjılısınde.
Aituynşa, memleket qūqyq qorǧau jüiesın jetıldıruge jäne zaŋ men tärtıp ornatuǧa erekşe män berıp keledı.
«Osy baǧytta naqty nätijege qol jetkızdık. 2019 jyldan berı qylmystyq qūqyqbūzuşylyq sany şamamen ekı ese azaidy. Sonyŋ ışınde qaraqşylyq, tonau, ūrlyq pen būzaqylyq deŋgeiı 4 ese tömendedı, al kısı öltıruge qatysty qylmystar 30 paiyzǧa kemıdı. Qoǧamdyq oryndardaǧy qylmys sany 80 paiyzǧa azaidy. Būl – azamattarymyz köşede eşteŋeden qauıptenbei, alaŋsyz jüre alady degen söz»,—dedı prezident.
