Premer-ministrdıŋ orynbasary - ūlttyq ekonomika ministrı Serık Jūmanǧarin Qazaqstanda nesienı köp alatyn azamattardyŋ tabysy jaqsy dep sanaidy. Būl turaly ol Mäjılıs dälızınde jurnalisterge bergen jauabynda aitty, dep habarlaidy "Adyrna" ūlttyq portaly Dalanews.kz-ke sıltep.
Jurnalister tūrǧyndardyŋ köpşılıgı nesiege täueldı bolyp, tıptı därı-därmekke deiın bölıp töleu arqyly aluǧa mäjbür ekenın alǧa tartty. Al Jūmanǧarin būl pıkırmen kelıspeitının bıldırıp, nesienı "aqylmen alatyndardyŋ" tabysy joǧary ekenın aitty.
"Jalpy nesie alatyn adamdy aqyldy adam dep sanaimyn. Eger adam köp nesie alyp jatsa, demek ony töleitındei jaqsy tabys tabady degen söz. Al endı därı-därmektı bölıp töleuge aluǧa qatysty aitsam, mūndai jaǧdai oilanuǧa tūrarlyq. Qazaqstanda kepıldendırılgen tegın medisinalyq kömek şeŋberınde 12 million adam därı-därmektı tegın alady. Olardy Kaspi Red arqyly nesiege aludyŋ qajetı joq qoi. Därıgerge baryp, resept alyp, tegın aluǧa bolady. Bälkım, äŋgıme basqa, öte sirek kezdesetın nemese bızde tegın berılmeitın därıler turaly şyǧar. Bıraq būl da äleumettık salaǧa qatysty mäsele, ony da qarastyryp jatyrmyz", – dedı Serık Jūmanǧarin.
Ministrdıŋ aituynşa, mındettı äleumettık medisinalyq saqtandyru jüiesıne qatysuşy qazaqstandyqtar köptegen därını tegın aluǧa qūqyly.
"Bırınşı därıgerge baru kerek, därı tegın berıle me, berılmei me, anyqtap alǧan jön. Eger rasymen qajet därı tegın berılmese, basqa şeşımın ızdeuge bolady. Bıraq nesie alǧanda ärkım özı jaqsylap oilanuǧa tiıs", – dedı ol.
