«SQ-Farmasiia» JŞS basqarma töraǧasy bolyp Nūrlybek Asylbekov taǧaiyndaldy, dep habarlaidy "Adyrna" ūlttyq portaly QR Densaulyq saqtau ministrlıgınıŋ baspasöz qyzmetıne sıltep.
Nūrlybek Asylbekov jaŋa qyzmetke deiın Şymkent qalasynyŋ Densaulyq saqtau basqarmasyn basqarǧan. Ol 1966 jyly 24 mausymda düniege kelgen. Almaty memlekettık medisina institutynyŋ Şymkent qalasyndaǧy filialy, M.Saparbaev atyndaǧy Oŋtüstık Qazaqstan gumanitarlyq instituty jäne M.Äuezov atyndaǧy Oŋtüstık Qazaqstan memlekettık universitetı.
Mamandyqtary — provizor, zaŋger jäne ekonomist.
Eŋbek jolyn 2000 jyly Oŋtüstık Qazaqstan oblysy Sozaq audanyndaǧy «Farmasiia» AQ-da provizor-tehnolog jäne bas maman qyzmetınen bastaǧan.
2002-2020 jyldary Densaulyq saqtau ministrlıgınıŋ Farmasevtikalyq baqylau komitetı men basqa da qūrylymdarda türlı basşylyq qyzmetter atqarǧan. Är jyldary Tūtynuşylardyŋ qūqyqtaryn qorǧau komitetınde, Farmasiia komitetınde, Tauarlar men qyzmetterdıŋ sapasy men qauıpsızdıgın baqylau komitetınde töraǧa orynbasary boldy. Sondai-aq Därılık zattar men medisinalyq būiymdardy saraptau ūlttyq ortalyǧynyŋ bas direktorynyŋ keŋesşısı qyzmetın atqarǧan.
«SQ-Farmasiia» Bıryŋǧai distribiutory 2009 jyly Ükımet qaulysymen qūrylǧan.
