Qazaqstanda merzımdı äskeri qyzmetşılerge nesie aluǧa şekteu engızıluı mümkın, dep habarlaidy "Adyrna" ūlttyq portaly.
Qarjy naryǧyn retteu jäne damytu agenttıgı osy baǧytta arnaiy qauly jobasyn äzırledı.
Jaŋa qūjatqa säikes, merzımdı äskeri qyzmetke şaqyrylǧan azamattarǧa bankter men mikroqarjy ūiymdary nesie jäne mikronesieler beruden bas tartuǧa mındettı bolady. Būl özgerıster kredittık esep jürgızu jäne aqparat almasu qaǧidalaryna engızıledı.
«Kredittık biurolar JRAJ İŞ jüiesı arqyly äskeri boryşyn ötep jürgen azamattar turaly mälımetterdı alǧan kezde, olardyŋ kredittık esebınde «merzımdı äskeri qyzmettıŋ äskeri qyzmetşısı» märtebesı körsetıledı. Osy märtebe bolǧan jaǧdaida, bankter men mikroqarjy ūiymdary olarǧa jaŋa qaryz beruge qūqyly emes», – delıngen agenttıktıŋ tüsındırmesınde.
Qauly küşıne ense, būl özgerıs merzımdı äskeri qyzmetke şaqyrylǧan qazaqstandyqtardyŋ qarjylyq mındettemelerın baqylauǧa, qajetsız qaryzǧa batyp ketuden saqtauǧa baǧyttalady.
Aita keteiık, soŋǧy jyldary äsker qatarynda qyzmetın ötep jürıp qaza tapqan sarbazdardyŋ ata-analary balalarynyŋ äskerde jürıp nesie räsımdegenın aityp, dabyl qaǧyp keledı. Älımjettık pen qarjylyq qaryz mäselesı qatar talqylanatyn özektı problemaǧa ainaldy.
Mamandardyŋ pıkırınşe, jaŋa şekteu äskerdegı jastardyŋ äleumettık-qarjylyq qauıpsızdıgın qamtamasyz etuge yqpal etedı.
