Premer-Ministr Oljas Bektenovtıŋ töraǧalyǧymen ötken Ükımet otyrysynda 2025 jyldyŋ alǧaşqy jartyjyldyǧyndaǧy äleumettık-ekonomikalyq damu qorytyndylary qaraldy. Jiynda oblys äkımı Berık Uäli öŋırdıŋ äleumettık-ekonomikalyq körsetkışterı turaly baiandama jasady.
Oblystyŋ qysqa merzımdı ekonomikalyq indikatory 103,7 paiyzdy qūrady. Būl – Ūlttyq damu jospary boiynşa mejelengen 103,6 paiyzdyq körsetkışten joǧary. Kölık salasynda – 119,6%, qūrylysta – 117,4%, bailanysta – 108,3%, ışkı saudada – 108,3%, auyl şaruaşylyǧynda – 104,1%, önerkäsıpte – 101,1% ösım bar.
Biyl jalpy qūny 31,1 mlrd teŋge bolatyn 10 investisiialyq joba jüzege asyrylyp, 767 jūmys orny aşylady. Bügınde qūny 1 mlrd teŋge bolatyn «Eastern Gold» altyn öndıru fabrikasy ıske qosyldy. Qazırgı uaqytta Ūlttyq sifrlyq investisiialyq platformaǧa jalpy qūny 2,7 trln teŋge bolatyn 38 joba engızılgen. Būl jobalar aiasynda 8 myŋnan astam tūraqty jūmys orny qūrylmaq.
Semeidegı «Öndırıs» industriialyq aimaǧynda 4 joba jüzege asuda. Aimaqtyŋ 80 paiyzy igerılgen. İnvestorlardyŋ qyzyǧuşylyǧyna bailanysty onyŋ aumaǧyn 600 gektarǧa deiın ūlǧaitu josparlanǧan.
Auyl şaruaşylyǧynda suarmaly jerlerdı ūlǧaitu jūmystary jalǧasyp jatyr. Qazır oblysta 113,4 myŋ ga suarmaly jer bar. 2024-2028 jyldarǧa arnalǧan respublikalyq keşendı jospar aiasynda 6 su qoimasy salynyp, qosymşa 31 myŋ ga jer ainalymǧa engızıledı. Ertıs özenınıŋ äleuetın tiımdı paidalanu arqyly būl körsetkış taǧy 70 myŋ gektarǧa ūlǧaiady. Nätijesınde suarmaly jer kölemı 214,4 myŋ gektarǧa jetedı.
Semei qalasynda jaŋa äkımşılık-ıskerlık ortalyqtyŋ qūrylysy josparlanuda. Myŋ gektar aumaqty qamtityn joba aiasynda 75 myŋ adamǧa arnalǧan tūrǧyn üiler jäne 40-tan astam äleumettık, kommersiialyq jäne äkımşılık nysandar salynady.
Alaköl turistık aimaǧyna qatysty arnaiy bas jospar äzırlenıp jatyr. Qūjatta qabyldau quatyn 15 myŋnan 90 myŋ adamǧa deiın arttyru jäne jaǧalaudy 4 şaqyrymnan 19 şaqyrymǧa deiın ūzartu közdelgen.
Oblysta öŋırge investisiia tartu jūmystary jalǧasuda.
«Mausym aiynda ötken «Tuǧan jerge tuyŋdy tık» investisiialyq forumynda 15 memorandumǧa qol qoiyldy. Sondai-aq, Qytai Halyq Respublikasymen jalpy qūny 1,5 mlrd AQŞ dollarynan asatyn 20 kelısımge qol qoiylyp, halyqaralyq yntymaqtastyqty arttyru jūmystary jalǧasyp keledı. Mūnyŋ bärı aldaǧy uaqytta öz nätijesın beredı dep oilaimyz. Oblys äkımdıgı öŋırdıŋ ekonomikalyq ösımın saqtauǧa bar küş-jıgerın salatyn bolady. Aldymyzǧa qoiylǧan mındetterdı uaqtyly oryndaityn bolamyz», – dedı aimaq basşysy Ükımet otyrysynda.
Ükımet basşysy Oljas Bektenov Abai oblysyna jan-jaqty qoldau körsetıletının jetkızdı.
«Ükımet müşelerıne aitatynym – Abai oblysyn qoldau kerek. Jaŋadan qūrylǧan öŋır. Respublikalyq biudjetten jıberıletın qarajattyŋ kölemı jetkılıksız. Sonyŋ bärın eskerıp, qarjylandyru kölemın arttyru kerek» – dedı Premer-ministr.
