Türkiiadaǧy eŋ ırı qalalardyŋ bırı – Ystanbūldyŋ eks-merı Ekrem İmamoǧly 1 jyl 8 aiǧa bas bostandyǧynan aiyryldy,dep habarlaidy "Adyrna" ūlttyq portaly.
Sot şeşımı boiynşa, İmamoǧly 2025 jylǧy 20 qaŋtarda ötken paneldık pıkırtalas kezınde Ystanbūldyŋ bas prokurory Akin Giurlek pen onyŋ otbasyna qatysty «qyzmettık mındetterın oryndau kezınde şeneunıktı köpşılık aldynda qorlau» jäne «qoqan-loqqy körsetu» baptary boiynşa kınälı dep tanyldy.
Prokurorlar ony üş bap boiynşa – joǧaryda atalǧan ekı aiyppen qatar, «terrorizmmen küreske qatysqan adamdardy qudalau» boiynşa da aiyptap, 7 jyl 4 aiǧa deiın bas bostandyǧynan aiyrudy sūraǧan bolatyn. Alaida sot ony terrorizmge qatysty bap boiynşa aqtap şyqty.
Sot ükımıne säikes:
«Qyzmettık mındetın atqaryp jürgen şeneunıktı köpşılık aldynda qorlaǧany» jäne «qoqan-loqqy körsetkenı» üşın – 1 jyl 5 ai 15 künge, qosymşa 2 ai 15 künge bas bostandyǧynan aiyryldy.
Osylaişa, jalpy ükım – 1 jyl 8 ai (nemese 20 ai) merzımge bas bostandyǧynan aiyru bolyp bekıtıldı. Aita ketu kerek, būl ükım saiasi tyiym salumen bailanysty emes.
Esterıŋızge salsaq, nauryz aiynyŋ soŋynda Ekrem İmamoǧly arnaiy operasiia barysynda tūtqyndalǧan. Onyŋ tūtqyndaluy Türkiianyŋ bırqatar ırı qalalarynda jappai narazylyqtarǧa sebep boldy.
