Almatyda resmi atauy joq 156 köşege jaŋa atau berılmek. Būl turaly ūsynysty qala äkımdıgı daiyndap, mäslihattyŋ qarauyna joldaǧan, dep habarlaidy “Adyrna” ūlttyq portaly Krisha.kz-ke sıltep.
Ūsynylǧan ataular qatarynda mädenietke, önerge jäne tarihqa eleulı üles qosqan tanymal tūlǧalardyŋ esımderı bar. Mäselen, Bostandyq audanyndaǧy köşelerdıŋ bırıne 2018 jyly qaza tapqan qazaqstandyq mänerlep syrǧanauşy Denis Tennıŋ esımın berudı ūsynǧan.
Sondai-aq köşelerge mynadai tūlǧalardyŋ esımderı berıluı mümkın:
- Ho Şi Min – vetnamdyq revoliusioner ärı saiasi qairatker,
- Natalia Sas – älemdegı alǧaşqy balalarǧa arnalǧan muzykalyq teatrdyŋ negızın qalauşy,
- Abduäli Qaidarov – qazaq tılın zerttegen tanymal türkıtanuşy, ǧalym.
Būdan bölek, Almatyda Mūnara,Sarqyrama, Qūlyn, Abyz, Sūŋqar, Qūdıret degen köşeler paida boluy mümkın.
Köşe ataularyn bekıtu mäselesı tūrǧyndarmen talqylanyp, mäslihat deputattarynyŋ qarauynan keiın sessiiaǧa şyǧarylyp, soŋǧy şeşım qabyldanady.
