«Kóshpendiler» fılmi úshin bekinisti burynǵy Mádenıet jáne sport mınıstri Arystanbek Muhamedıulyna qatysy bar kompanııa satyp alǵan. Mámile quny aıtarlyqtaı tómendedi. Bul týraly brıfıngte «Antıkor» resmı ókili Arman Tileýkenov málimdedi, dep habarlaıdy "Adyrna" tilshisi.
Áńgime Almaty oblysyndaǵy «Kóshpendiler» fılminiń túsirilim alańy jáne túsirý orny retinde salynǵan bekinis týraly bolyp otyr.
«Jasandy qamal tarıhı fılmder túsirý úshin bıýdjettik aqshaǵa salynǵan. Túrkistannyń jasandy bekinisi burynǵy Mádenıet jáne sport mınıstrliginiń basshylyǵyna qarasty kommerııalyq uıymǵa onyń qurylysyna jumsalǵan qarjydan 44 ese tómen baǵaǵa satylǵan. Qazir bul aktıvti memleketke qaıtarý sharalary júrgizilýde», – dedi Arman Tileýkenov.
Antıkor bul qylmystyq iske eks-mınıstrdiń qatysy bar-joǵyn tekserip jatyr, al «Qazaqfılm» AQ burynǵy basshysyna qatysty tergeý amaldary júrgizilýde.
Eske sala keteıik, qazir Muhamedıulynyń ústinen «Dıplomat» qonaqúıin reıderlerdiń basyp alýyna qatysty is boıynsha sot júrip jatyr. Al maýsym aıynda eks-mınıstr bas eksponaty «Altyn adam» bolatyn halyqaralyq kórmege bólingen 221 mıllıon teńgeni jasyryp, urlaǵany úshin kináli dep tanylyp, segiz jylǵa bas bostandyǵynan aıyrylǵan bolatyn.
