Qazaqstannyŋ Bas prokuraturasy men Işkı ıster ministrlıgınıŋ qyzmetkerlerı, Äzerbaijandaǧy Qazaqstan Elşılıgınıŋ kömegımen kısı öltıru men qaraqşylyq üşın halyqaralyq ızdeude bolǧan qazaqstandyqty ekstradisiialady, dep habarlaidy "Adyrna" ūlttyq portaly Bas prokuraturanyŋ baspasöz qyzmetıne sılteme jasap.
Baqylauşy organnyŋ habarlauynşa, ötken jyldyŋ qazan aiynda küdıktı öz sybailasymen bırge tanys käsıpkerdı kezdesu syltauymen aldap şaqyryp, ony esınen tanǧanşa soqqyǧa jyqqan.
Olar jäbırlenuşınıŋ jalpy qūny şamamen 40 million teŋge tūratyn mülkın iemdenıp, keiın ony Almaty qalasynan tys jerge şyǧaryp, öltırıp ketken.
«Küdıktılerdıŋ bırı oqiǧa ornynda ūstaldy, al ekınşısı boi tasalap, halyqaralyq ızdeu jariialandy. Biylǧy jyldyŋ qaŋtar aiynda küdıktı Äzerbaijan aumaǧynda ūstalyp, Qazaqstan Bas prokuraturasynyŋ sūrauy boiynşa otanyna ekstradisiialandy. Qazırgı uaqytta ol tergeu izoliatoryna qamaldy», – delıngen habarlamada.
Atalǧan qylmystar üşın 20 jylǧa deiın nemese ömır boiy bas bostandyǧynan aiyru jäne mülkın tärkıleu jazasy qarastyrylǧan.
