Qazaqstanda käsıbi merekeler küntızbesı jaŋamaŋyzdy datamen tolyqty. Biyldan bastap tamyz aiynyŋ bırınşı jeksenbısı – Temırjol qyzmetkerlerı künı retınde resmi türde atalyp ötedı.
Būl – kölık salasynyŋ maŋyzdy baǧyty sanalatyn temırjol jüiesınde qajyrly eŋbek etıp jürgen myŋdaǧan qyzmetkerdıŋ eŋbegıne körsetılgen qūrmettıŋ aiǧaǧy.
Temırjol – el ışındegı ǧana emes, halyqaralyq deŋgeidegı jolauşy jäne jük tasymalynyŋ maŋyzdy tetıgı. Qazaqstandaǧy kölık infraqūrylymynyŋ dıŋgegı sanalatyn būl salada onmyŋdaǧan maman jūmys ısteidı. Olardyŋ qatarynda maşinister, vagonşylar, jol jöndeuşıler, dispetcherler, bailanysşylar, injener-tehniktermen taǧy basqa köptegen käsıp ielerı bar.
Kölık salasynyŋ jalpy damuyna da temırjolsalasy orasan üles qosyp otyr. Öŋırler arasyndaǧy ekonomikalyq bailanysty qamtamasyz etu, otandyq önımdı eksporttau, jolauşylardyŋ qauıpsız ärıyŋǧaily qozǧalysyn ūiymdastyru – osynyŋ barlyǧy temırjolşylardyŋ tynymsyz eŋbegınıŋ nätijesı.
Temırjol salasynda jūmys ısteu – jauapkerşılıgı joǧary, tärtıp pen tözımdılıktı talap etetın mamandyq. Būl mereke – temırjolşylardyŋ eŋbegın baǧalap, olardyŋ qoǧamdyq maŋyzyn aişyqtaityn kün.
Temırjol qyzmetkerlerın käsıbi merekesımen qūttyqtaimyz! El ekonomikasynyŋ qozǧauşy küşıne ainalǧan sala mamandaryna myqty densaulyq, qauıpsız eŋbek jäne tolaǧai tabys tıleimız.
