Temırjolşylardyŋ para beru äreketı videoǧa tüsıp qaldy. "Jolauşylar tasymaly" aksionerlık qoǧamynyŋ Nūr-Sūltan qalasy boiynşa uchaskesınıŋ bastyǧy men onyŋ orynbasary zaŋsyz aqşa jinaǧany üşın jūmystan quyldy. Oǧan qosa, ırı kölemde aiyppūl töleuge mındetteldı. Būl turaly qarjylyq monitoring agenttıgıne mälımdedı, dep habarlaidy “Adyrna” ūlttyq portaly.
Resmi mälımetke säikes, paramen ūstalǧan basşylar "Ekspress" filialynda jūmys ıstegen. Ekeuı özıne qarasty uchaske arqyly ötken "Tūlpar-Talgo" poiyzdaryn teksermegenı üşın aqşa talap etken.
Agenttıktıŋ Nūr-Sūltan qalalyq departamentı zaŋbūzuşylyqty videoǧa tüsırıp alǧan. Onda poiyz basşylarynyŋ aqşa berıp jatqany körınedı. Bıreuı qolma-qol berse, endı bıreuı üsteldıŋ üstınde tūrǧan zattardyŋ astyna tyǧyp otyrǧan. Barlyǧy 27 epizod anyqtaldy.
"Kınälıler kommersiialyq ūiymdarda basşylyq qyzmet atqaru qūqyǧynan aiyryla otyryp, 6 million teŋgege juyq aiyppūl töleuge tiıs ", - deidı agenttık mamandary.
Al "Jolauşylar tasymaly" aksionerlık qoǧamyna qylmystyq qūqyqbūzuşylyq jasauǧa yqpal etken män-jailardy joiu turaly ūsynys engızıldı.
Videony Telegram arnamyzdan köre alasyz.
”Adyrna” ūlttyq portaly
Ūqsas jaŋalyqtar
