Qazaqstannyŋ belgılı ǧaryşkerı Talǧat Mūsabaevpen qoştasu räsımı 6 tamyzda ötedı. Būl turaly Almatydaǧy Qaruly küşter ardagerlerı respublikalyq qoǧamdyq bırlestıgı mälımdedı, dep habarlaidy “Adyrna”.
Mälımet boiynşa, qoştasu räsımı 6 tamyz künı saǧat 09:00-de Almaty qalasyndaǧy Ofiserler üiınde ötedı. Odan keiın 28 gvardiiaşy-panfilovşylar atyndaǧy saiabaqta miting ūiymdastyrylady. Talǧat Mūsabaev Kensai ziratynda jerlenedı.
Eske salaiyq, keşe Qazaqstannyŋ ǧaryşkerı Talǧat Mūsabaevtyŋ qaitys bolǧany belgılı boldy. Memleket basşysy Qasym-Jomart Toqaev aty aŋyzǧa ainalǧan ūşqyş-ǧaryşkerdıŋ qaitys boluyna bailanysty köŋıl aitty.
Talǧat Mūsabaev 1951 jyldyŋ 7 qaŋtarynda Almaty oblysy Jambyl audany, Fabrichnoe auylynda düniege kelgen. Ol – Qazaqstannyŋ Halyq qaharmany, aviasiia general-leitenanty, tehnika ǧylymdarynyŋ doktory. 2007–2016 jyldary Qazaqstannyŋ Ūlttyq ǧaryş agenttıgınıŋ töraǧasy, 2017–2023 jyldary Qazaqstan Respublikasy Parlamentı Senatynyŋ deputaty boldy.
