Prezident Qasym-Jomart Toqaev Äzerbaijan prezidentı İlham Älievpen telefon arqyly söilesıp, AQŞ prezidentı Donald Tramptyŋ qatysuymen Vaşingtonda Äzerbaijan men Armeniia arasyndaǧy qaqtyǧysty beibıt jolmen retteu turaly tarihi deklarasiiaǧa qol qoiyluymen qūttyqtady, dep habarlaidy "Adyrna" ūlttyq portaly.
Memleket basşysy qūjattyŋ halyqaralyq qūqyq normalary men BŪŪ Jarǧysyna sai qabyldanǧanyn jäne būl qadamnyŋ ekı eldıŋ strategiialyq müddelerıne tolyq säikes keletının atap öttı. Toqaevtyŋ aituynşa, būl kelısım Kavkaz öŋırınde halyqaralyq yntymaqtastyqty keŋeituge yqpal etedı. Qazaqstan Äzerbaijannyŋ strategiialyq serıktesı retınde öŋırde beibıtşılıktıŋ ornauyn şyn jürekten qoldaidy.
Äŋgıme barysynda Qasym-Jomart Toqaev Astananyŋ aldaǧy uaqytta kelıssözder alaŋyn ūsynuǧa daiyn ekenın rastady. Sondai-aq ol Älievtıŋ köşbasşylyǧymen Äzerbaijannyŋ halyqaralyq bedelı arta tüskenın aitty.
Öz kezegınde İlham Äliev Toqaevtyŋ qūttyqtauyna alǧys bıldırıp, ūzaq jyldar boiy nätijesız ötken kelıssözderden keiın qol jetkızılgen būl kelısımnıŋ tarihi maŋyzyn atap öttı. Äzerbaijan Prezidentı Qazaqstanmen jan-jaqty yntymaqtastyqty odan ärı nyǧaituǧa niettı ekenın jetkızdı.
Sūhbat soŋynda taraptar joǧary deŋgeidegı bailanystardy jalǧastyruǧa uaǧdalasty.
