Qazaqstan Prezidentı Qasym-Jomart Toqaev Armeniia premer-ministrı Nikol Paşiniandy Armeniia men Äzerbaijan arasyndaǧy beibıt kelısımge keluımen qūttyqtady. Būl jaiynda Aqorda jazdy, dep habarlaidy "Adyrna".
Vaşingtonda Armeniia men Äzerbaijan beibıtşılık ornatu turaly deklarasiiaǧa qol qoiǧan edı.
Qazaqstan prezidentınıŋ pıkırınşe, būl tarihi maŋyzy bar qūjat. Paşiniannyŋ saiasatker retındegı alǧyrlyǧynyŋ arqasynda qol qoiylǧan.
Deklarasiia Oŋtüstık Kavkazdaǧyauqymdy halyqaralyq yntymaqtastyqqa, sondai-aq Qazaqstan men Armeniia arasyndaǧy anaǧūrlym qarqyndy ekonomikalyq jäne investisiialyq yqpaldastyqqa jol aşady.
Qasym-Jomart Toqaev Armeniia Premer-ministrınıŋ jyl soŋyna josparlanǧan resmi saparyna Astana äzırlık jūmystaryn bastap ketkenın mälımdedı. Qazaqstan kelıssözderge öz alaŋyn ūsyna otyryp, Armeniia men Äzerbaijan arasyndaǧy saiasi dialogqa odan ärı septıgın tigızuge niettı.
Nikol Paşinian Toqaevqa jyly lebızı men qoldauy üşın alǧys bıldırdı.
Premer-ministr Qazaqstannyŋ Armeniia men Äzerbaijandy tatulastyruǧa qosqan ülesın oŋ baǧalaǧan. Özara yntymaqtastyqty jandandyratyn jaŋa kelısımderge qol qoiu üşın Qazaqstanǧa biyl arnaiy saparmen keluge daiyn ekenın aitqan.
Mūnyŋ aldynda Äzerbaijan osy beibıt kelısım mätının jariia etkenbolatyn.
