13 tamyzdan bastap Starlink kompaniiasy Qazaqstanda resmi türde sputniktık internet qyzmetın ūsyna bastaidy. Būl turaly Sifrlyq damu ministrlıgı aitty, dep habarlaidy «Adyrna» tılşısı.
Ministrlıktıŋ mälımetınşe, būl elımızdıŋ tūrǧyndaryna SpaceX kompaniiasyna tiesılı tömen orbitaly Starlink sputnikterı jelısı arqyly joǧary jyldamdyqty jäne senımdı internetke qosyluǧa mümkındık beredı.
«2025 jylǧy 12 mausymda Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıbı ministrlıgı men Starlink kompaniiasy qyzmet körsetu barysynda Qazaqstan zaŋnamasyn tolyq saqtau jönınde kelısımge qol qoidy. Būl kelısım aqparattyq qauıpsızdık pen bailanys salasyndaǧy barlyq talaptardy oryndaudy qamtidy. Starlink tehnologiiasy şalǧai jäne qoljetımdılıgı qiyn aimaqtarda da tūraqty internet qosyluyn qamtamasyz etıp, halyqqa zamanaui sifrlyq servisterdı paidalanuǧa mümkındık beredı»,—delıngen habarlamada.
