Qazaqstan pasporty älemdegı eŋ myqty pasporttar reitingınde 61-orynǧa ornalasty. Būl turaly halyqaralyq Henley Passport Index derekterı jariialady, dep habarlaidy “Adyrna”.
Aqparatqa säikes, indeks elderdıŋ azamattary vizasyz bara alatyn memleketterdıŋ sanyna qarai jasalady. Qazaqstan azamattaryna qazırgı taŋda 79 elge vizasyz kıru mümkındıgı bar.
Qazaqstan reitingte bırqatar TMD jäne körşıles elderden joǧary tūr:
- Äzerbaijan – 66-oryn;
- Armeniia – 69-oryn;
- Moŋǧoliia – 70-oryn;
- Qyrǧyzstan – 71-oryn;
- Özbekstan – 72-oryn;
- Täjıkstan – 78-oryn;
- Türıkmenstan – 84-oryn.
Jaŋa tızımde Singapur bırınşı orynda (193 el), odan keiın Japoniia men Oŋtüstık Koreia (190 el) tūr. Al tızımnıŋ soŋyna Auǧanstan, İrak jäne Siriia pasporttary jaiǧasqan.
Aita ketsek, Henley Passport Index – halyqaralyq äue kölıgı qauymdastyǧy (IATA) derekterıne negızdelgen älemdık reiting. Jylyna bırneşe ret jaŋartylatyn būl indeks saiahattauşylarǧa pasporttyŋ küşın baǧalauǧa jäne vizasyz saiahat mümkındıgın köruge baǧyttalady.
