Bakude ötıp jatqan älem chempionatynda qazaqstandyqtar ekı altyn medal jeŋıp aldy, dep habarlaidy “Adyrna” ūlttyq portaly.
17 jasqa deiıngı sportşylar arasyndaǧy küresten 48 kelıge deiıngı salmaq därejesınde synǧa tüsken Baqdäulet Aǧabek älem chempiony atandy. Finalda ol Ündıstan ökılı Aarian Aariandy 10:0 esebımen aiqyn basymdyqpen jeŋdı.
Turnir barysynda qazaqstandyq baluan bes beldesu ötkızıp, Täjıkstan, Bolgariia, Moŋǧoliia jäne Özbekstan sportşylaryn jeŋdı. Äsırese moŋǧoliialyq qarsylasyn nebärı 36 sekundta ūtyp, jartylai finalda Aziia chempiony Faruh Mahmudovty 7:3 esebımen tıze büktırdı. Jarys boiy Baqdäulet qarsylastaryna nebärı üş ūpai ǧana berıp, özı 47 ūpai jinady.
Qazaqstan qorjynyna ekınşı altyn jüldenı grek-rim küresınıŋ 55 kelıge deiıngı salmaq därejesınde öner körsetken Diiar Amanälı saldy. Ol jarys barysynda Grekiia, Resei, Gruziia jäne Bolgariia baluandaryn jeŋıp, finalda Vengriia ökılı Keve Kovachpen kezdestı.
Şeşuşı beldesu 1:1 esebımen aiaqtalǧanymen, alǧaşqy nätijelı ūpaidy Diiar enşılegendıkten, jeŋıs qazaqstandyq sportşyǧa berıldı.
Osylaişa, Qazaqstan qūramasy 17 jasqa deiıngı sportşylar arasyndaǧy älem chempionatyn ekı altyn medalmen tolyqtyrdy.
Ūlttyq qauıpsızdık komitetı Ukraina jerınde ūrysqa qatysqan qazaqstandyqtarǧa qatysty tergeu bastady
