Auǧanstannyŋ Gerat provinsiiasynda ırı jol apaty bolyp, 79 adam qaza tapty, dep habarlaidy "Adyrna" ūlttyq portaly.
Qūrbandardyŋ ışınde 19 bala bar ekenı anyqtaldy.
Oqiǧa İslam-Kala şekara beketınen şyqqan jolauşylar avtobusy Kabulǧa qarai bet alǧan kezde bolǧan. Soŋǧy ailarda däl osy beketten İrannan deportasiialanǧan auǧan azamattary tasymaldanyp kelgen.
Ainalma jolda avtobus jürgızuşısı rölge ie bola almai, motosikl jäne janarmai tasyǧan jük kölıgımen soqtyǧysqan.
Soqqydan keiın kölık örtenıp, avtobustyŋ ışı tügeldei otqa orandy. Köptegen jolauşy syrtqa şyǧyp ülgermei, ışte qalyp qoiǧan. Üş jürgızuşınıŋ barlyǧy da oqiǧa ornynda köz jūmdy.
Jergılıktı bilık ökılderınıŋ aituynşa, apatqa avtobustyŋ jyldamdyqty asyrǧany men jürgızuşınıŋ salǧyrttyǧy sebep bolǧan. Būǧan qosa, joldardyŋ naşarlyǧy da jaǧdaidy uşyqtyrǧan.
