Qazaqstannyŋ eŋbek sıŋırgen qairatkerı, Memlekettık syilyqtyŋ laureaty, belgılı suretşı-grafik, kıtap illiustratory, professor Aǧymsaly Düzelhanūly Düzelhanov 74 jasynda ömırden öttı, dep habarlaidy "Adyrna" ūlttyq portaly.
Qazaqstan Respublikasy Körkem akademiiasy.
Aǧymsaly Düzelhanov 1951 jyly 19 tamyzda Qyzylorda oblysy, Qazaly qalasynda düniege kelgen. Ol N.V. Gogol atyndaǧy Almaty körkemsuret uchilişesın jäne Surikov atyndaǧy Mäskeu memlekettık körkemsuret institutyn tämamdaǧan.
Suretşı şyǧarmaşylyq jolyn 1973 jyly bastaǧan. Ol keskındeme, stanoktyq grafika jäne kıtap illiustrasiiasy salasynda eŋbek etıp, folklorlyq-tarihi taqyryptarǧa arnalǧan eŋbekterımen tanyldy.
Onyŋ kartinalary Qazaqstan Prezidentı Rezidensiialarynda, Astana men Almatydaǧy memlekettık mekemelerde, muzeiler men jeke kolleksiialarda saqtalǧan.
2000 jyly Düzelhanov BŪŪ ūiymdastyrǧan «Global Art–2000» halyqaralyq körme-baiqauynda jeŋımpaz atanyp, älemnıŋ üzdık 33 suretşısınıŋ qataryna endı. Sonymen qatar ol «Atamūra» korporasiiasynyŋ jaŋa buyn oqulyqtaryn bezendırıp, jas ūrpaqqa arnalǧan oqu-ädıstemelık qūraldar jazdy.
