Qazaqstanda 31 tamyzdan bastap äue, temırjol jäne teŋız kölıkterımen jüretın jolauşylar turaly mälımetter qūqyq qorǧau jäne arnaiy memlekettık organdarǧa berıletın boldy. Būl özgerıster halyqaralyq standarttarǧa säikestendıru üşın engızılıp otyr, dep habarlaidy “Adyrna”.
Äue kompaniialary, onyŋ ışınde şeteldık tasymaldauşylar da, jolauşylar men ekipaj turaly derekterdı ekı märte – reiske 48 saǧat qalǧanda jäne tırkeu aiaqtalǧan soŋ joldaidy. Mälımetter ışınde aty-jönı, tuǧan künı, jynysy, azamattyǧy, qūjat derekterı, reis nömırı, ūşyp şyǧu jäne kelu uaqyty men baǧyty, oryn nömırı, bagaj aqparaty jäne (jolauşy kelısse) bailanys derekterı bolady.
Poiyz biletterı turaly aqparat täulıgıne 5 retke deiın, al teŋız kölıgı boiynşa täulıgıne 4 retke deiın joldanady. Jinalatyn derekterdıŋ ışınde jolauşynyŋ aty-jönı, qūjat derekterı, sapar baǧyty jäne kelısım bolsa, bailanys nömırı bar.
Barlyq mälımet Astana uaqyty boiynşa tırkeledı jäne 5 jyl boiy saqtalady.
Sonymen qatar etnikalyq şyǧu tegı, saiasi közqaras, dıni nemese filosofiialyq senım, käsıpodaqqa qatystylyq pen jynystyq baǧdar siiaqty jeke mälımetterdı jinauǧa tyiym salynǧan.
