Qazaqstanda Konstitusiianyŋ 30 jyldyǧyna orai jariialanǧan raqymşylyq aiasynda 2 myŋnan astam azamat qylmystyq-atqaru jüiesı mekemelerınen bosatyldy. Būl turaly QR Işkı ıster ministrlıgı Qylmystyq-atqaru jüiesı komitetı (QAJK) mälımdedı, dep habarlaidy "Adyrna".
Komitettıŋ habarlauynşa, raqymşylyq şaralary aiasynda sottar barlyǧy 15 970 ūsynysty qaraǧan.
«Jürgızılgen jūmystardyŋ nätijesınde sottar 15 970 ūsynysty qarady. Qylmystyq-atqaru jüiesı mekemelerınen 2 myŋnan astam adam, onyŋ ışınde äielder men kämeletke tolmaǧandar bosatyldy», – delıngen resmi aqparatta.
Sonymen qatar, raqymşylyqqa ılıkkenderdıŋ bır bölıgıne qatysty jaza merzımı de qysqartylǧan.
«Sottar 11 myŋnan astam sottaluşynyŋ jaza merzımın qysqartty», – dep naqtylady QAJK.
Komitet ökılderınıŋ aituynşa, raqymşylyq äleumettık tūrǧydan osal toptardy qamtyǧan.
«Raqymşylyq kämeletke tolmaǧandardy, balaly äielderdı, jüktı äielderdı, mügedekterdı jäne qart adamdardy qamtydy. Zaŋ penitensiarlyq jüiege tüsetın jüktemenı azaituǧa jäne äleumettık ädılettılıktı qoldauǧa mümkındık berdı», – dep atap öttı vedomstvo.
Bostandyqqa şyqqan azamattardyŋ barlyǧy probasiia qyzmetınıŋ tūraqty baqylauyna alynǧan. Sondai-aq olar polisiianyŋ jeke esebıne qoiylyp, qoǧamǧa beiımdelu üderısı qadaǧalanady.
