Memleket basşysy QHR mädeniet jäne turizm ministrı Sun Elimen bırge Mädeniet ortalyǧyn aralap kördı.
Qasym-Jomart Toqaevqa kıtaphana, qazaq tılı, muzyka jäne şyǧarmaşylyq kabinetterı tanystyryldy. Körme zalyna Qazaqstannyŋ ejelgı saq däuırınen bastap XX ǧasyrdyŋ bas kezıne deiıngı tarihynan syr şertetın eksponattar men artefaktıler qoiylǧan.
Ekspozisiia arheologiiaǧa, zergerlık būiymdarǧa, qaru-jaraq jasau önerıne, ūlt aspaptaryna jäne etnografiiaǧa arnalǧan bes bölımnen tūrady. Ortalyqtyŋ kıtaphana qorynda qazaq, qytai, aǧylşyn jäne orys tılderındegı myŋǧa juyq kıtap bar.
Sondai-aq, Prezident Qytai oquşylarynyŋ dombyramen oryndaǧan qazaq, qytai äuenderın tyŋdady.
Sonymen qatar märtebelı meimandar Beijıŋ balalaryna arnalǧan kiız basudan şeberlık sabaǧyn tamaşalady.
