Qazaqstan Ükımetı «2026–2028 jyldarǧa arnalǧan respublikalyq biudjet turaly» zaŋ jobasyna säikes 2026 jyldyŋ 1 qaŋtarynan bastap ailyq eseptık körsetkış (AEK) 4 325 teŋge bolyp bekıtıledı, būl qazırgı 3 932 teŋgeden 10%-ǧa artyq, dep habarlaidy "Adyrna" ūlttyq portaly.
Osyǧan bailanysty jürgızuşılerge salynatyn aiyppūldar, util alymy, avtokölıktı tırkeu tölemderı men saqtandyru qūny qymbattaidy.
Mäselen, jyldamdyqty 10–20 km/saǧ asyrǧan, qauıpsızdık beldıgın taqpaǧan nemese toqtau erejesın būzǧandarǧa salynatyn 5 AEK aiyppūl 21 625 teŋgege jetedı (qazır 19 660 teŋge).
Baǧdarşamnyŋ qyzyl tüsıne ötken nemese mümkındıgı şekteulı adamdarǧa arnalǧan orynǧa kölıgın qoiǧan jürgızuşı 10 AEK aiyppūl töleidı, iaǧni 43 250 teŋge.
Al jürgızuşı kuälıgınsız rölge otyrǧan nemese jol apaty ornynan ketıp qalǧan azamattarǧa salynatyn aiyppūl 50 AEK bolady, būl 196 600 teŋgeden 216 250 teŋgege ösedı.
Util alymy da qymbattaidy. Bazalyq mölşerleme 50 AEK bolyp, 216 250 teŋgenı qūraidy. Osyǧan säikes qozǧaltqyş kölemı 1000 tekşe sm-ge deiıngı jeŋıl avtomobildı elge kırgızu üşın 324 375 teŋge, 1001–2000 sm³ kölemdı kölık üşın 756 875 teŋge, 2001–3000 sm³ qozǧaltqyşy bar maşina üşın 1 081 250 teŋge, al 3 litrden joǧary avtomobil üşın 2 486 875 teŋge töleu kerek bolady.
Elektromobil äkelgender util alymynan bosatylady.
Sonymen qatar, avtokölıktı tırkeu qūny da ösedı. Alǧaş tırkeu kezınde eŋ tömengı tölem 983 teŋgeden 1 081 teŋgege köterılse, şyqqanyna 3 jyl tolmaǧan kölık üşın tölem 216 250 teŋgenı qūraidy, al 3 jyldan asqan kölıktı alǧaş tırkeu qūny 1 966 000 teŋgeden 2 162 500 teŋgege ösedı.
Būǧan qosa, saqtandyru polisınıŋ baǧasy da özgeredı, sebebı onyŋ mölşerı AEK-pen esepteledı, al bazalyq saqtandyru syiaqysy 1,9 AEK bolady. Qarjy naryǧyn retteuşıler jürgızuşılerdıŋ saqtandyru klasyndaǧy koeffisienttı qaita qarastyrudy josparlap otyr, sondyqtan polis baǧasy aldaǧy jyly aitarlyqtai özgermek.
