Äleumettık jelıde käsıpker Ruslan Berdenovtıŋ Qytaida jürgen suretı tarady, dep habarlaidy "Adyrna" ūlttyq portaly.
Fotony käsıpker Syrymbek Tau özınıŋ paraqşasynda jariialap, keiın öşırıp tastaǧan.
Surette Qazaqstannyŋ Syrtqy ıster ministrı Mūrat Nūrtıleu de bar.
Jazbada: «Aǧamyzdyŋ qazaqilyǧyna, qarapaiymdylyǧyna riza boldyq. Aman bolyŋyz. Beijing 02/09/2025» dep körsetılgen.
Syrymbek Tau paraqşasynda taǧy bır videony bölısıp, onda Beijıŋ qalasynda «Sandyq» meiramhanasy aşylyp jatqany aityldy.
Videoda Nūrjan Niiazaliev esımdı azamat: «Sandyq meiramhanasyn Beijıŋ qalasynda aşyp jatyrmyz. Memleket basşysynyŋ aldynda Sandyq jobasyn tanystyramyz» degen.
Aita ketsek, 2021 jyly Ruslan Berdenov serıktesterımen bırge bırneşe qalada «Sandyq» meiramhanasyn aşqan bolatyn.
Künı keşe ǧana mäjılıs deputaty Oljas Qūspekov Ruslan Berdenovtıŋ şetelde em qabyldap jatqanyn aitqan edı.
