Memleket basşysy Qasym-Jomart Toqaevtyŋ Qazaqstan halqyna Joldauy qarsaŋynda Premer-Ministrdıŋ jäne Ükımet müşelerınıŋ qatysuymen «AMANAT» partiiasy fraksiiasynyŋ keŋeitılgen otyrysy öttı. Deputattar Prezidenttıŋ Joldaulary men «Ädılettı Qazaqstan: bärımız jäne ärqaisymyz üşın. Qazır jäne ärdaiym» Sailaualdy baǧdarlamasynyŋ jüzege asyrylu barysy turaly aqparatty tyŋdady.
Is-şarany aşqan Mäjılıs Spikerı, «AMANAT» partiiasynyŋ Töraǧasy Erlan Qoşanov är Joldau – el damuynyŋ strategiialyq baǧytyn aiqyndaitynyn jäne azamattardyŋ eŋ özektı sūraqtaryna jüielı jauap beretının atap öttı.
«Memleket basşysynyŋ Joldaulary, Prezidenttıŋ Sailaualdy baǧdarlamasy – maŋyzdy qūjattar. Al olardyŋ sapaly oryndaluy – qoǧamnyŋ bilıkke degen senımınıŋ kepılı. Adamdar naqty özgerısterdı däl qazır körgısı keledı. Sol sebeptı bızdıŋ, iaǧni zaŋ şyǧaruşylar men Ükımettıŋ ortaq mındetı – tapsyrmalardy sapaly ärı der kezınde oryndau. Sondyqtan är saiasi mausym basynda Ükımetpen «saǧat säikestendıru» täjıribesın engızuımız kezdeisoq emes. Bügınge deiın atqarylǧan jūmysty baǧamdap, qai mäselege basa nazar audaru kerek ekenın aiqyndaimyz», – dedı Erlan Qoşanov.
Öz kezegınde, Premer-Ministr Oljas Bektenov Prezident Joldaulary men Sailaualdy baǧdarlamasyn jüzege asyru boiynşa Ükımet tarapynan atqarylǧan jūmysqa toqtaldy.
Mäselen, byltyr şeteldık kapitaldyŋ qatysuymen 1,3 mlrd. AQŞ dollary somasyna 45 joba paidalanuǧa berıldı. Jalpy alǧanda, jalpyūlttyq pulǧa qūny 144 mlrd. AQŞ dollaryn qūraityn 1,1 myŋnan astam joba kıredı. Jyl basynan berı önerkäsıp öndırısınıŋ ösımı byltyrǧy körsetkışten 6,9%-ǧa asyp tüstı. Biyl 20 myŋnan astam jūmys ornyn aşa otyryp, 1,5 trln teŋge somasyna 190 jaŋa öŋdeuşı önerkäsıp käsıpornyn ıske qosu josparlanuda.
Ükımet basşysy «Keleşek mektepterı» ūlttyq jobasyna jeke toqtaldy. Onyŋ aiasynda 310 myŋ oryndyq 160 mektep salyndy. «Auylda densaulyq saqtaudy jaŋǧyrtu» ūlttyq jobasy şeŋberınde öŋırlerde 540 medisinalyq nysan paidalanuǧa berıldı. Olar şamamen 1 mln auyl tūrǧynyn qamtidy. Būl – halyqtyŋ äleumettık äl-auqatyn arttyru jönındegı Prezident saiasatynyŋ aiqyn körsetkışterı.
«Tariftı investisiiaǧa aiyrbastau» baǧdarlamasy aiasynda 2 jylda 12 myŋ şaqyrymnan astam injenerlık jelını jöndeuge 600 mlrd teŋgeden astam qarajat tartylyp, nätijesınde atalǧan jelılerdıŋ tozuyn 6,2%-ǧa tömendetuge mümkındık berdı. Biyl kölık salasynda 13 myŋ şaqyrym jol jöndeu jäne salu jūmysy qolǧa alyndy. Al temırjol salasynda «Dostyq-Moiynty» uchaskesınıŋ ekınşı joldaryn salu jūmysy aiaqtaluda. Sifrlandyru salasynda IT-qyzmetter eksportynyŋ ösımı baiqaldy.
Iаǧni, körsetkış 2021 jyly 30 mln dollardan 2024 jyly 700 mln AQŞ dollaryna deiın artty.
Ükımet Äleumettık-ekonomikalyq damu boljamyn jäne aldaǧy üş jyldyq kezeŋge arnalǧan respublikalyq biudjet jobasyn maqūldap, Parlamentke engızdı. Oǧan säikes, aldaǧy üş jylda ekonomikanyŋ naqty ortaşa jyldyq ösımı 5,3%-dy qūraidy.
Oljas Bektenov Ükımet Prezident bastamasymen qolǧa alynǧan «Taza Qazaqstan» jobasy men «Zaŋ jäne tärtıp» qaǧidatyn jüzege asyru boiynşa belsendı jūmys ıstep jatqanyn aitty.
«Memleket basşysy ūstanǧan baǧyt arqyly el ekonomikasy tūraqty ösımge qol jetkızdı. Bız üşın basym baǧyt sanalatyn öŋdeu önerkäsıbınde oŋ ürdıs saqtaldy. Tau-ken önerkäsıbındegı sirek jäne jerde sirek kezdesetın metaldardy igeru oryndarynan ösımnıŋ tyŋ mümkındıkterın körıp otyrmyz. Parlamentpen tyǧyz jūmys ıstep, alǧa qoiylǧan barlyq mındettı oryndaudy jalǧastyramyz. Bızdıŋ ortaq maqsatymyz – aldaǧy uaqyttaǧy tūraqty damudy qamtamasyz etu», – dedı ol.
Jiyn barysynda Premer-Ministr men Ükımet müşelerı fraksiia deputattarynyŋ sūraqtaryna jauap berdı. Būl sūraqtar ekonomikany damytudy, biznestı, auyl şaruaşylyǧyn, öndırıstı qoldaudy, azamattardyŋ tabysyn arttyrudy, äleumettık saiasatty jaqsartudy, öŋırlerdıŋ infraqūrylymdyq damuynyŋ naqty mäselelerın şeşudı jäne özge de taqyryptardy qamtydy.
Jiyndy qorytyndylai kele, Mäjılıs Töraǧasy Erlan Qoşanov Memleket basşysynyŋ Joldaularynda jäne Sailaualdy baǧdarlamasynda qamtylǧan barlyq tapsyrma eldıŋ tūraqty damuy men halyqtyŋ tūrmysyn jaqsartudy qamtamasyz ete otyryp, jüielı türde jüzege asyrylyp jatqanyn atap öttı. Kürdelı geosaiasi jaǧdaiǧa qaramastan, Ükımet pen äkımder ekonomika ösımın qamtamasyz ettı, memlekettıŋ barlyq äleumettık mındettemelerı oryndaluda, infraqūrylymdyq jobalar keşendı türde qolǧa alynyp jatyr.
Sonymen qatar Mäjılıs Spikerı Ükımet nazaryn audarudy talap etetın bırqatar baǧytty aiqyndap berdı. Mäselen, auyl tūrǧyndarynyŋ tabysyn arttyruǧa baǧyttalǧan «Auyl amanaty» partiialyq jobasyn tūraqty qarjylandyru jäne egınşılıkke, qūs şaruaşylyǧyna, mal şaruaşylyǧyna üiretetın «Agrosauat» ortalyqtarynyŋ aşyluyn jedeldetu qajet. Ol Memleket basşysy byltyrǧy Joldauynda būl jobaǧa qoldau bıldırıp, ony el aumaǧynda taratudy tapsyrǧanyn eske saldy. Alaida osy mäsele älı de keiınge qaldyrylyp keledı.
Sondai-aq partiia Töraǧasy jūmyssyzdyq deŋgeiın tömendetu jäne tūrǧyn üi-kommunaldyq şaruaşylyq reformasyn aiaqtau jūmysyn küşeitu qajet ekenıne nazar audardy. Sonymen qatar ol Aqmola oblysy Selinograd audanynda öz nätijesın körsetken «Baquatty audan» auyldyq aumaqtardy keşendı damytu jönındegı partiialyq pilottyq joba aiasyn keŋeitudı ūsyndy.
Erlan Qoşanov mūndai kezdesuler naqty nätije beretının atap öttı. Sebebı deputattar öŋırlerge ünemı barady, adamdardyŋ özektı mäselelerın jaqsy bıledı jäne olardy Ükımetke tıkelei jetkıze alady. Būl – «Küştı Prezident – yqpaldy Parlament – esep beretın Ükımet» qaǧidatynyŋ naqty ıske asqanynyŋ ülgısı. Jazǧy saparlarda halyq qalaulylary 900 eldı mekenge baryp, 2000-ǧa juyq azamatpen kezdesu ötkızdı. Tūrǧyndar tarapynan kelıp tüsken barlyq ūsynys qazır jüielenıp jatyr. Memlekettık organdarmen bırlesıp, olardyŋ şeşımın tabu joldary qarastyrylady.
«Ükımet pen Parlamenttıŋ özara üilesımdı jūmys atqaruy – tiımdı memlekettık saiasattyŋ negızı. Öitkenı bärımızdıŋ maqsatymyz bır. Ol – elımızdıŋ örkendeuı, halyqtyŋ tūrmys sapasynyŋ jaqsaruy. Būl üşın Prezidenttıŋ Sailaualdy baǧdarlamasy men Joldaularyndaǧy tapsyrmalary der kezınde oryndaluy tiıs. Ortaq mūrat jolynda jūmyla äreket etkende ǧana bız naqty nätijelerge qol jetkızetınımız anyq», – dedı partiia Töraǧasy.
