Memleket basşysy Qasym-Jomart Toqaev 8 qyrküiektegı Qazaqstan halqyna Joldauynda būqaralyq sportty damytuǧa airyqşa män berdı. Prezidenttıŋ bastamalaryn ünemı qoldaityn Timur Qūlybaevtyŋ Halyk qory bastamasymen biyl da auyl balalaryna ülken sportqa jol aşatyn «AUYL SPORT» turnirın ötkızedı. 11 qyrküiek pen 12 qazan aralyǧynda ötetın II öŋırlık «AUYL SPORT 2025» turnirı Qyzylordanyŋ qūmdy dalasynan bastalyp, elımızdıŋ barlyq öŋırın aralap, myŋdaǧan jas sportşyǧa şabyt syilaidy. Tolyǧyraq "Adyrna" ūlttyq portalynyŋ materialynda.
Jetı sport türı – myŋdaǧan mümkındık
AUYL SPORT – auyl jastary üşın tek sporttyq doda ǧana emes, bolaşaqqa senım ūialatatyn, ülken ömırge qadam bastaityn maŋyzdy alaŋ.
Biyl būl joba ekınşı jyl qatarynan respublikadaǧy auyldardy aralaǧaly tūr. Joba aiasynda 10-15 jas aralyǧyndaǧy sportşylar jetı sport türınen baq synaidy. Olar karate, boks, erkın küres, şahmat, üstel tennisı, basketbol jäne voleibol. Qatysuşylar üşın 244 medal jiyntyǧy sarapqa salynady.
suret: Halyk qorynyŋ baspasözınen
Būl jarysqa 100 käsıbi töreşı jūmyldyrylyp, jergılıktı sport basqarmalary men akkredittelgen federasiialar tolyq qoldau körsetude. Būǧan deiın auylda tek armandap kelgen mümkındıkter endı auyl balalardyŋ öz qolyna berılıp otyr.
Eŋ basty jaŋalyqtardyŋ bırı – üstel tennisı biyl baǧdarlamaǧa alǧaş ret qosyldy. Qarapaiym qūral-jabdyqpen şaǧyn mektepterdıŋ özınde jattyǧuǧa bolatyn būl sport türı auyl balalary üşın qoljetımdı baǧytqa ainaldy. Halyk qorynyŋ atqaruşy direktory Ǧalymbek Jaqsylyqov atalǧan sport türın nelıkten taŋdar alǧandaryn bylaişa tüsındırdı:
"Bız arnaiy komissiia qūryp, bapkerlermen bırge auylda qandai sport türlerı qarqyndy damyp jatqanyn talqyladyq. Sol talqylaulardyŋ nätijesınde üstel tennisın engızudı jön kördık. Öitkenı būl – auyl mektepterıne qoljetımdı ärı balalardyŋ qyzyǧuşylyǧyn arttyratyn sport", – dedı Ǧalymbek Jaqsylyqov.
Halyk qorynyŋ qoldauy – auyl sportyna senım
Jobany ūiymdastyryp otyrǧan Halyk qorynyŋ atqaruşy direktory Ǧalymbek Jaqsylyqov turnirdıŋ män-maŋyzyna toqtalyp, auyl sportyn damytudaǧy maqsattaryn atap öttı:
"AUYL SPORT – auyl balalaryna arnalǧan jarys qana emes, olardyŋ armanyn jüzege asyratyn ülken arena. Biyl taǧy da 10 myŋnan astam jas sportşy teŋdei mümkındıkpen jarysqa qatysady. Būl – bız üşın maqtanyş. Auyldan şyqqan balalardyŋ respublikalyq deŋgeide öner körsetıp, ūlttyq qūramamen bırge jülde alyp jatqanyn körgende jüregımızdı quanyş kerneidı. Būl jetıstık – tek daryndy balalardyŋ eŋbegı ǧana emes, olarǧa jaǧdai jasaǧan bılıktı bapkerlerdıŋ, ülken eŋbek sıŋırgen jattyqtyruşylardyŋ da jeŋısı", – dedı ol.
Onyŋ aituynşa, Halyk qory üşın būl joba bır rettık şara emes. AUYL SPORT – auyl sportyn tūraqty türde qoldap, damytatyn ūzaqmerzımdı baǧdarlamaǧa ainalmaq.
Akademiianyŋ serıktestıgı jäne jaŋa bastamalar
Jobany jüzege asyru aiasynda 2024 jyly Halyk qory men Qazaq sport jäne turizm akademiiasy arasynda memorandumǧa qol qoiylǧan edı. Sonyŋ negızınde auyldaǧy jattyqtyruşylardyŋ bılıktılıgın arttyru, sporttyq ädıstemelerdı engızu jäne auyl jastaryna käsıbi baǧdar beru jūmystary bastaldy.
Akademiiada oqu-sport bazasy jaŋartylyp, “AUYL SPORT” şyǧys jekpe-jegı zaly aşyldy. Būl – auyldan şyqqan jas sportşylarǧa käsıbi deŋgeidegı jaǧdai jasauǧa baǧyttalǧan naqty qadam.
Akademiianyŋ oqu-ädıstemelık ısı jönındegı prorektory, professor Nūrmūhanbetova Dinara Kenjeqyzy bylai dedı:
"Auyl balalaryna osyndai mümkındık berıluı – bärımız üşın quanyş. Būl bastama talai daryndy jastyŋ jolyn aşyp, bolaşaq chempiondardyŋ qalyptasuyna yqpal etedı. Jobanyŋ ǧūmyry ūzaq bolyp, elımızdıŋ tükpır-tükpırınen şyqqan jastardyŋ armany oryndalsyn dep tıleimız. Ärbır jeŋıs – jaŋa armanǧa jol aşatyn jalyndy qadam", – dedı ol.
Joba qandai nätije berıp jatyr?
AUYL SPORT jobasy 2024 jyly alǧaş bastalǧannan-aq ülken serpılıs äkeldı. Bır jyldyŋ ışınde 200 auyldyq eldımekennen 12 myŋnan astam bala qatysyp, el tarihyndaǧy eŋ auqymdy auyl jastarynyŋ jarysyna ainaldy.
Al 2025 jyldyŋ köktemınde alǧaşqy jeŋımpazdar Qazaqstan qūramasy sapynda Serbiiada ötken ISF U-15 Gimnaziadasyna attanyp, el namysyn qorǧady. Qazaqstandyq sportşylar 11 medal jeŋıp äkelse, onyŋ törteuı auyl balalarynan şyqqan talantty sportşylardyŋ enşısınde boldy. Būl – auyldan şyqqan balalardyŋ da älemdık deŋgeide jeŋıske jete alatynyn däleldedı.
suretter: Halyk qorynyŋ baspasözınen
