Almatyda qala äkımı qaulysymen jergılıktı atqaruşy organdardyŋ jūmys rejimıne özgerıster engızıledı, dep habarlaidy "Adyrna" ūlttyq portaly.
Endı jūmys künı taŋǧy 9:00-dıŋ ornyna 8:30-da bastalady. Sonymen qatar tüskı üzılıs ūzaqtyǧy 1 saǧattan 1,5 saǧatqa deiın ūzardy. Keibır qyzmetkerler üşın kelısım boiynşa ikemdı jūmys kestesı engızıldı.
Äkımdık deputattardyŋ bastamasymen jeke kompaniialardyŋ keŋse qyzmetkerlerın qaşyqtan jūmys ısteu formatyna köşıru mümkındıgın qarastyryp otyr. Degenmen, tüpkılıktı şeşımdı ärbır kompaniia özı qabyldaidy.
Sonymen qatar memlekettık qyzmetşılerdıŋ de bır bölıgın qaşyqtan jūmys ısteuge köşıru mäselesı qaraluda. Qazaqstan zaŋnamasyna säikes, qyzmetkerlerdıŋ 30%-dan aspaityn bölıgı ǧana qaşyqtan eŋbek ete alady.
Kölık jüktemesın azaitu maqsatynda studentterdıŋ de oqu kestesıne özgerıs engızu ūsynyldy. Joǧary oqu oryndary men kolledjderdıŋ bır bölıgı sabaqtaryn saǧat 8:00-de bastasa, qalǧandary 10:00-de bastaidy.
Äkımdıktıŋ aituynşa, būl 637 myŋnan astam studenttıŋ qozǧalys aǧynyn bölıp, joldardaǧy qarbalasty jeŋıldetuge mümkındık beredı.
