Qaraǧandy oblysynda aldaǧy jyldary 120 investisiialyq joba jüzege asyrylmaq. Onyŋ ışınde 29 joba biyl ıske qosylady. Öŋır tau-ken öndırısı men qaita öŋdeuge basymdyq berude: ystyq myryştau zauyty jūmys ıstep tūr, teledidar men kır juǧyş maşina şyǧaratyn öndırıs ıske qosyldy. Būl jäne basqa da mäseleler oblys äkımı Ermaǧanbet Bölekpaev töraǧalyq etken jiynda talqylandy. Kezdesu Memleket basşysy Qasym-Jomart Toqaevtyŋ «Jasandy intellekt däuırındegı Qazaqstan: özektı mäseleler jäne ony tübegeilı sifrlyq transformasiia arqyly şeşu» atty Joldauyn jüzege asyruǧa arnaldy.
Oblys äkımı Ermaǧanbet Bölekpaev öŋır aldyŋǧy qatarly ideialardy engızetın alaŋǧa ainaluy tiıs ekenın atap öttı.
– İndustriialyq jürek sanalǧan Qaraǧandy oblysy būl mındetterdı oryndauda köşbasşylar qatarynda boluy kerek. Bızde quatty öndırıstık baza, bılıktı kadrlar jäne aitarlyqtai agrarlyq äleuet bar. Öŋır Qazaqstannyŋ bolaşaǧyna arnalǧan zerthanasyna ainaluǧa tiıs, mūnda dästürlı öndırıs pen jaŋa tehnologiialar, auyr önerkäsıp pen sifrlyq şeşımder toǧysuy qajet, – dedı Ermaǧanbet Bölekpaev.
Oblys äkımınıŋ orynbasary Ermek Alpysovtyŋ aituynşa, öŋırde investisiia tartu qarqyndy jürıp jatyr. Jaŋa jobalar 20 myŋnan astam jūmys ornyn qūruǧa mümkındık beredı.
– Draiverler qataryna maşina jasau, rezeŋke jäne plastmassa būiymdaryn şyǧaru, sondai-aq qaita öŋdeudıŋ jaŋa baǧyttary jatady. «Saryarqa» AEA men Saran industriialyq aimaǧy tabysty jūmys ıstep tūr, – dedı ol. – İnvestorlarǧa qyzmet körsetudıŋ «bır tereze» qaǧidaty boiynşa jūmys ısteitın ortalyǧy bar.
Öŋırde geologiialyq barlau damyp keledı. Būl mineraldyq-şikızat bazasyn keŋeitıp, sirek jer metaldaryn qaita öŋdeitın käsıporyndardy ıske qosuǧa mümkındık beredı.
Qaraǧandy oblysy ekonomikasyn ärtaraptandyruda qazırdıŋ özınde jetıstıkterge jetıp otyr. Ötken jyly öŋır käsıporyndarynda öndırılgen önım kölemı 3 trln teŋgeden asty.
Prezident tūraqty damudyŋ maŋyzdylyǧyn atap öttı. Qaraǧandy oblysynda Qarmet kompaniiasynyŋ käsıporyndarynda öndırıstı jaŋǧyrtu men jaŋa tehnologiialardy engızuge 1,6 trln teŋge investisiia qūiu josparlanuda.
Turizmge de erekşe köŋıl bölıngen. Memleket basşysy būl salany ekonomikany damytuǧa qosymşa serpın beretın perspektivaly baǧyttardyŋ bırı dep atady. Öŋırde negızgı turistık ortalyqtar aiqyndalyp, jaŋa baǧyttardy damytu boiynşa qadamdar belgılendı.
Jiyndy qorytyndylai kele, Ermaǧanbet Bölekpaev Joldaudaǧy basty syn-qater – tehnosentrizmge negızdelgen bolaşaqqa daiyndyq ekenın eske saldy.
– Būl bastamalar – jūmystyŋ bastamasy ǧana. Barşamyz Memleket basşysynyŋ Joldauyn sapaly ärı uaqytyly jüzege asyru üşın küş bırıktıruımız qajet. Jetıstık halyqtyŋ äl-auqatyna jäne eldıŋ tūraqty damuyna tıkelei bailanysty. Sondyqtan bärımız bırge, bır komanda bolyp äreket etuımız kerek, – dep tüiındedı oblys äkımı.
