Qaraǧandyda üş myŋ adam tu tūǧyrynyŋ janynda Qazaqstannyŋ änūranyn oryndady

1607
Adyrna.kz Telegram
https://adyrna.kz/content/uploads/2024/06/whatsapp-image-2024-06-04-at-14.52.19.jpeg

Qaraǧandy oblysy bükıl elmen bırge Qazaqstan Respublikasynyŋ Memlekettık rämızderı künın keŋınen atap ötude.

Oblys ortalyǧynda tu tūǧyrynyŋ maŋynda jūrtşylyqtyŋ, erıktılerdıŋ, jastardyŋ qatysuymen "Tuǧan jerım – Qazaqstan!" patriottyq forumnyŋ aşyluy boldy. Alaŋda üş myŋ adam bır uaqytta elımızdıŋ änūranyn oryndady.

Būl oqiǧa bırlık pen Otanymyzǧa degen süiıspenşılıktı körsetedı. Şara barysynda tu şeruı öttı.

Tu ūstauşylar qatarynda T. Bigeldinov atyndaǧy Qaraǧandy qalasynyŋ "Jas ūlan" mektebınıŋ tärbielenuşılerı boldy.

– Memlekettık rämızder künı bızdıŋ jüregımızde erekşe oryn alady, öitkenı bızdıŋ memleketımızdıŋ rämızderı jai ǧana atributtar emes, būl bızdıŋ tarihymyzdyŋ, mädenietımızdıŋ jäne bırlıgımızdıŋ beinesı. Qazaqstannyŋ Tuy, Eltaŋbasy men Änūrany bükıl älemge tanymal boldy, būl elımız üşın maqtanyş sezımın tudyrady, – dedı Qaraǧandy oblysynyŋ äkımı Ermaǧanbet Bölekpaev. – Men mūnda jastardy körgenıme quanyştymyn. Bızdıŋ mındetımız – jastardyŋ boiynda otansüigıştık sezımın jäne elımızge, onyŋ bai tarihy men ūly tūlǧalaryna degen maqtanyş sezımın tärbieleu.

Forumda azamattardyŋ patriottyq tärbiesın damytuǧa qosqan ülesı,

käsıbi jetıstıkterı, belsendı azamattyq ūstanymy üşın alǧys hattar tabystaldy.

– 2014 jyly men Qazaqstan änūranyn oryndap, ant qabyldadym. On jyl boiy Otanǧa, Qazaqstan halqyna qyzmet etıp kelemın, būl ülken jauapkerşılık. Memlekettık tu köterılgen saiyn men elımdı

maqtan tūtamyn, – deidı marapattalǧan TJD qyzmetkerlerınıŋ bırı – azamattyq qorǧau kapitany Damir Saǧattaev. – Osy köktemde bızdıŋ elımız su tasqyny sekıldı ülken synaqtan öttı. Qazaqstan halqy bırıktı: qūtqaruşylar ǧana emes, kömekke qarapaiym janaşyr adamdar da keldı. Bız küşımız bırlıgımızde!

Etnomädeni bırlestıkterdıŋ basşylary otandastarymyzdy memlekettık rämızder künımen qūttyqtady.

– Būl mereke bızdıŋ bolmysymyz ben egemendıgımızdı bıldıredı. Bızdıŋ basty oqiǧalarymyz memlekettık änūrandy oryndaudan bastalady, – dep atap öttı "Vainah" oblystyq şeşen-inguş etnomädeni bırlestıgınıŋ töraǧasy Uvais Janaev.

Alaŋnan QR Memlekettık rämızder künıne arnalǧan merekelık avto-, moto- jäne velojarys bastaldy.

Ony QR eŋbek sıŋırgen jattyqtyruşysy, Qaraǧandy oblysynyŋ Qūrmettı azamaty Valerii Gromov aşty.

– Bügın saltanatty kün. Bızdıŋ köş bastar jastarymyz osynda jinalǧany keremet. Jastar jaŋa Qazaqstandy qūruy kerek. Bızdıŋ ärqaisymyzda bırınşı kezekte patriotizm sezımı boluy tiıs. Änūran estılgen kezde qolymyz bırden jürek tūsyna köterıledı. Bırge bolsaq, bız jeŋılmeimız! – dedı Valerii Gromov.

Oblys boiynşa merekelık ıs-şaralar: patriottyq aksiialar, chellendjder, avto- jäne velojarystar, konsertter ötedı.

Tūrǧyndar memlekettık tudy päterlerınıŋ balkondaryna ornalastyrady. Al köşelerde memlekettık rämızderı bar jalaular men stikerler taratylady. Aqtoǧai audanynda flagştoktyŋ aşyluy öttı.

Pıkırler