Betperde kigen belgısız jıgıt taǧy bır otbasyna qaiyrymdylyq jasady. Būl joly ol közı körmeitın anasy men arbaǧa taŋylǧan aǧasyn jalǧyz asyrap otyrǧan, onkologiialyq dertke şaldyqqan 20 jastaǧy Güljanǧa kömek körsettı, dep habarlaidy "Adyrna" ūlttyq portaly.
Qaiyrymdylyq jasauşy būl jaittyŋ videosyn Instagram-daǧy jeke paraqşasynda jariialaǧan.
Güljan düniege kelmei jatyp äkesınen aiyrylǧan. Bes jasynan bastap qara jūmys ıstep, közı körmeitın anasyn jäne arbaǧa taŋylǧan aǧasyn baǧyp keledı. Juyrda oǧan qaterlı ısık diagnozy qoiylyp, ota jasalǧan. Degenmen boijetken emdeluden bas tartqan, sebebı ol üidegı jaqyndarynyŋ qarausyz qaluynan alaŋdaǧan.
Otbasy samannan salynǧan eskı üidı jaldap tūryp kelgen. Qaiyrymdy jıgıt olarǧa baspana syilap qana qoimai, şaǧyn käsıp aşuǧa qarjy bölıp, Güljannyŋ Ündıstanda em aluyna da jaǧdai jasaǧan.
«Men ünemı özımnıŋ emes, anam men aǧamnyŋ jaiyn oilaimyn. Olardyŋ üiı bolsa dep armandaitynmyn. Endı bızde “dūrystap ömır süruge bolady” degen ümıt oty tūtandy», — dedı köz jasyna erık bergen Güljan.
Qaiyrymdy jannyŋ aituynşa, qazırgı uaqytta Güljan Ündıstanda qajettı em-domyn qabyldap jatyr.
