Aqtöbe qalasynyŋ tūrǧyny Jūldyz Tleuf pen onyŋ bes balasy jaŋa päterge ie boldy, dep habarlaidy "Adyrna" ūlttyq portaly.
Būl turaly otbasynyŋ tūŋǧyşy Qūralai Esbolatova äleumettık jelıdegı paraqşasynda jzady.
Ol quanyşty jaŋalyǧymen bölısıp, qazaqstandyqtarǧa alǧysyn bıldırdı.
«Būl bız üşın kütpegen tosyn syi boldy. Köpten kütken künımız keldı. Keremet künnıŋ, jaŋa ömırdıŋ bastauy dep bılemın. Bızge qoldau körsetken barşa qazaq elıne ülken raqmet», – dep jazdy ol.
Qūralaidyŋ aituynşa, baspana qoǧamdyq qordyŋ qoldauymen berılgen.
Eske sala ketsek, būǧan deiın äleumettık jelıde Jūldyz Tleuftıŋ taǧdyry jūrttyŋ nazaryn audarǧan edı.
Onyŋ qyzy Qūralai jelıdegı paraqşasynda kömek sūrap, jazba jariialaǧan.
"Anamyzdy jüike auruyna şaldyqty dep mäjbürlı türde esepke qoidy. Būl – naǧaşylarym men anam arasyndaǧy mülıkke talastan keiın bastaldy. Üiımızdı satyp, anamnyŋ telefony men menıŋ bank kartamdy paidalanyp, synyptastarym men ata-analardan aqşa jinaǧan. Endı bız päter jaldap, baspanasyz qaldyq. Anama şizofreniia diagnozy qoiyldy", – degen Qūralai.
Jergılıktı organdar jaǧdaidan habardar ekenın aityp, otbasy baqylauda bolǧanyn habarlaǧan.
