Memleket basşysy Qasym-Jomart Toqaev «Beibıtşılık pen qūqyqqa negızdelgen bolaşaq» atty konstitusiialyq sot törelıgınıŋ halyqaralyq forumyna qatysuşylarmen kezdestı, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady.
Basqosuǧa Venesiia komissiiasynyŋ prezidentı Kler Bazi Malori, BAÄ Joǧarǧy federaldyq sotynyŋ töraǧasy Mūhammed Hamad Mūhammed äl Badi äl Zahri, Afrika konstitusiialyq iurisdiksiia organdary konferensiiasynyŋ töraǧasy Liuk Malaba jäne Moŋǧoliia Konstitusiialyq sotynyŋ töraǧasy Baiasgalan Gungaa qatysty.
Prezident qonaqtarǧa alǧysyn bıldırıp, Qazaqstanda jürgızılıp jatqan saiasi, ekonomikalyq jäne konstitusiialyq reformalar turaly aitty. Ol Ata zaŋǧa engızılgen özgerıster ökıldı bilık tarmaǧy men qūqyq qorǧau instituttarynyŋ rölın küşeitıp, atqaruşy bilıktıŋ esep beru mındetın arttyrǧanyn atap öttı.
«Küştı Prezident — yqpaldy Parlament — esep beretın Ükımet» qaǧidaty saqtalady. Parlamenttık respublikaǧa ainalu mäselesı kün tärtıbınde tūrǧan joq. Jalpyūlttyq referendumdar halyqtyŋ el taǧdyryna qatysty şeşımderge qatysuyna jol aşady», — dedı Qasym-Jomart Toqaev.
Sonymen qatar, Memleket basşysy juyrda Qazaqstan halqyna arnaǧan Joldauyndaǧy basymdyqtarǧa toqtaldy. Onyŋ aituynşa, eldı tehnologiialyq tūrǧydan ozyq memleketke ainaldyru basty maqsat bolyp qala beredı. Būl rette jasandy intellekt pen sifrlandyru jaŋa ūlttyq ideiaǧa ainalady.
