Memlekettık keŋesşı Erlan Qarinnıŋ töraǧalyǧymen Memlekettık rämızder men vedomstvolyq jäne olarǧa teŋestırılgen özge de nagradalar geraldikasy mäselelerı jönındegı respublikalyq komissiianyŋ otyrysy öttı, dep habarlaidy “Adyrna” ūlttyq portaly.
Komissiia otyrysynda Mädeniet jäne aqparat ministrınıŋ, sondai-aq Şymkent qalasy äkımınıŋ esebı tyŋdaldy. Qatysuşylar vedomstvolyq marapattar jüiesın, memlekettık rämızderdı qoldanu jäne paidalanu tärtıbın retteitın zaŋnamalyq jäne normativtık-qūqyqtyq aktılerdı jetıldıru mäselelerın qarastyrdy. Jiyn barysynda respublikalyq komissiia bırqatar memlekettık organnyŋ jaŋadan üş vedomstvolyq nagrada engızu jönındegı ūsynysyn qoldamady. «Vedomstvolyq nagradalar salasyn retke keltıru kerek. Bırınşıden, vedomstvolyq nagrada türlerın köbeitudıŋ qajettılıgı joq. Qaita ony tereŋ zerdelep, marapattardy oŋtailandyru kerek. Ekınşıden, ärbır memlekettık organ üşın vedomstvolyq nagradalardyŋ kvotasyn belgıleu qajet. Üşınşıden, ortalyq memlekettık organdar basşylarynyŋ vedomstvolyq nagradalar salasyna qatysty jeke jauapkerşılıgın arttyrǧan jön», – dep atap öttı Memlekettık keŋesşı. Erlan Qarin memlekettık, vedomstvolyq jäne qoǧamdyq marapattar salasynda memlekettık baqylaudy qamtamasyz etu jūmystary jürgızılıp jatqanyna nazar audardy. Tiıstı zaŋdarǧa tüzetu engızu turaly ūsynystar qazırgı uaqytta Parlamenttıŋ qarauyna joldanǧan. Jiyndy qorytyndylai kele, Memlekettık keŋesşı memlekettık rämızder, marapattar jäne geraldika salasyndaǧy jūmystardyŋ tiımdılıgın arttyruǧa qatysty naqty tapsyrmalar berdı.Ūqsas jaŋalyqtar
