Prezident Qasym-Jomart Toqaev Atom energiiasy jönındegı halyqaralyq agenttık bas direktory Rafael Grossimen kezdesu ötkızdı, dep habarlaidy "Adyrna" ūlttyq portaly.
Aqorda mälımetınşe, taraptar Qazaqstan men AEHA arasyndaǧy yntymaqtastyq perspektivalaryn, sondai-aq iadrolyq qauıpsızdık salasyndaǧy halyqaralyq kün tärtıbınıŋ özektı mäselelerın talqylady.
Prezident Qazaqstannyŋ agenttıkpen köpjyldyq serıktestıktı joǧary baǧalaitynyn atap öttı.
«Sızdıŋ 2023 jylǧy säuırdegı Qazaqstanǧa alǧaşqy saparyŋyz yntymaqtastyǧymyzǧa qosymşa serpın berdı. Iаdrolyq qarusyzdanu jäne taratpau mäselelerınde bızdıŋ ūstanymdarymyz ūqsas dep sanaimyn. Qazırgı älemdegı kürdelı jaǧdai jahandyq mäselelerdı şeşude küş bırıktırudı talap etedı», – dedı Qasym-Jomart Toqaev.
Memleket basşysy Qazaqstan men AEHA arasyndaǧy yntymaqtastyqty 2036 jylǧa deiın tereŋdetu jönındegı jol kartasynyŋ, sondai-aq iadrolyq medisina men ǧylym salasyndaǧy bırqatar qūjattardyŋ qabyldanuyn qūptady.
Öz kezegınde Rafael Grossi Qazaqstannyŋ jahandyq iadrolyq qauıpsızdıktı nyǧaituǧa jäne iadrolyq qarudy taratpau rejimıne tūraqty türde üles qosyp kele jatqanyn atap öttı.
Sondai-aq ol Qazaqstanda jalpyūlttyq referendum nätijesınde qabyldanǧan atom energetikasyn damytu baǧdarlamasynyŋ ıske qosyluyn qūttyqtady.
Kezdesu soŋynda Memleket basşysy Rafael Grossige BŪŪ Bas hatşysy lauazymyna kandidaturasyn ūsynu ısınde sättılık tıledı.
