Astanada qalanyń syrtqy kelbetin «Jarnama týraly», «Sáýlet, qala qurylysy jáne qurylys qyzmeti týraly» jáne «Qazaqstan Respýblıkasyndaǵy tilder týraly» Qazaqstan Respýblıkasy Zańdarynyń talaptaryna sáıkes keltirý boıynsha belsendi jumys júrgizilýde. 2024 jyldyń basynan beri barlyq aýdandardaǵy ǵımarattardyń qasbetterinen 1400-ge jýyq jarnamalyq elementter alynyp tastaldy, dep habarlaıdy “Adyrna” ulttyq portaly qalalyq ákimdiktiń resmı saıtyna siltep.
Elordanyń biryńǵaı sáýlettik-kórkemdik kelbetin júzege asyrýdy Astana qalasy ákimdiginiń «Astana-Jarnama» KMM júzege asyrady. Mekeme sonymen qatar qala aýmaǵynda ornalasqan syrtqy (kórneki) jarnamaǵa monıtorıng júrgizedi.
«Astana-Jarnama» KMM qyzmetkerleri aýdandyq ákimdiktermen birlesip, sáýlet stıliniń negizgi parametrlerine sáıkes kelmeıtin kórneki aqparat (mańdaıshalar men jarnama) elementterin túsindirý jáne bólshekteý boıynsha kóshpeli is-sharalar ótkizedi.
Kásipkerlermen túsindirme áńgimeler júrgiziledi, mańdaıshalarǵa qoıylatyn talaptardy, syrtqy (kórneki) jarnamany ornalastyrý tártibin sıpattaıtyn býkletter beriledi.
2024 jyldyń basynan beri ǵımarattar men qurylystardyń 200-den astam qasbetterine kózben sholyp tekserý júrgizildi, onyń nátıjeleri boıynsha 830-dan astam mańdaısha jáne talaptarǵa sáıkes kelmeıtin syrtqy (kórneki) aqparattyń 550-ge jýyq elementteri bólshekteldi.
Mekeme qyzmetkerleri 1600-ge jýyq kásipkerlik sýbektisin qabyldady, olarǵa ǵımarattardyń (qurylystardyń) qasbetterin sáýlettik-kórkemdik bezendirý máseleleri boıynsha qoldanystaǵy zańnamanyń talaptary túsindirildi.
Sondaı-aq kásipkerlik sýbektileri belgileriniń 742 eskızi qaraldy.
