Almatydaǵy Jibek joly kóshesiniń boıyndaǵy turǵyn úılerdiń birinde Coca-Cola jarnamasynyń ornyna taǵy da qar barysy beınelengen mýral paıda bolady, dep habarlaıdy “Adyrna” ulttyq portaly.
Ulysmedia.kz basylymynyń habarlaýynsha, Coca-Cola kompanııasy jarnama úshin bastapqyda basqa úıdiń qabyrǵasy tańdalǵanyn, biraq turǵyndardan qajetti kelisimdi alý múmkin bolmaǵanyn aıtty. Olar túngi jumys kezinde bolýy múmkin shýdy jaqtyrmaıdy.
Sodan keıin balama retinde MIK ruqsatymen barystyń mýraly turǵan qabyrǵa usynyldy.
"Bizdiń qabyrǵa sýretin aýystyrý týraly sheshimimiz almatylyqtardy renjitý nıetinen týyndaǵan joq. Ókinishke qaraı, biz qabyrǵa sýretin aýystyrdy MIK ókilderiniń kelisimimen júzege asyrdyq. Turǵyndardyń pikirin suramaı-aq, barys beınelengen sýretti alyp tastadyq. Sol úshin sýret avtorynan da keshirim suraımyz”, – dep jazdy kompanııa ókilderi.
Olar barlyq Almaty turǵyndarynan keshirim surady.
«Biz osy kezde qar barysy beınelengen sýrettiń almatylyqtar úshin qanshalyqty qundy ekenin túsindik, biz ózimizdiń fýrnıtýramyzdy alyp tastap, barys beınelengen qabyrǵa sýretin qalpyna keltiremiz», - delingen habarlamada.
Eske salaıyq, buǵan deıin almatylyqtar qar barysy bar qabyrǵa sýretin alyp tastaǵany úshin narazy bolǵan edi. Onyń ornyna Coca-Cola jarnamasy paıda bolyp, áleýmettik jelilerde syn týdyrdy.
