الماتىداعى جىبەك جولى كوشەسىنىڭ بويىنداعى تۇرعىن ۇيلەردىڭ بىرىندە Coca-Cola جارناماسىنىڭ ورنىنا تاعى دا قار بارىسى بەينەلەنگەن مۋرال پايدا بولادى، دەپ حابارلايدى “ادىرنا” ۇلتتىق پورتالى.
Ulysmedia.kz باسىلىمىنىڭ حابارلاۋىنشا، Coca-Cola كومپانياسى جارناما ءۇشىن باستاپقىدا باسقا ءۇيدىڭ قابىرعاسى تاڭدالعانىن، بىراق تۇرعىنداردان قاجەتتى كەلىسىمدى الۋ مۇمكىن بولماعانىن ايتتى. ولار تۇنگى جۇمىس كەزىندە بولۋى مۇمكىن شۋدى جاقتىرمايدى.
سودان كەيىن بالاما رەتىندە ميك رۇقساتىمەن بارىستىڭ مۋرالى تۇرعان قابىرعا ۇسىنىلدى.
ء"بىزدىڭ قابىرعا سۋرەتىن اۋىستىرۋ تۋرالى شەشىمىمىز الماتىلىقتاردى رەنجىتۋ نيەتىنەن تۋىنداعان جوق. وكىنىشكە قاراي، ءبىز قابىرعا سۋرەتىن اۋىستىردى ميك وكىلدەرىنىڭ كەلىسىمىمەن جۇزەگە اسىردىق. تۇرعىنداردىڭ پىكىرىن سۇراماي-اق، بارىس بەينەلەنگەن سۋرەتتى الىپ تاستادىق. سول ءۇشىن سۋرەت اۆتورىنان دا كەشىرىم سۇرايمىز”، – دەپ جازدى كومپانيا وكىلدەرى.
ولار بارلىق الماتى تۇرعىندارىنان كەشىرىم سۇرادى.
«ءبىز وسى كەزدە قار بارىسى بەينەلەنگەن سۋرەتتىڭ الماتىلىقتار ءۇشىن قانشالىقتى قۇندى ەكەنىن تۇسىندىك، ءبىز ءوزىمىزدىڭ فۋرنيتۋرامىزدى الىپ تاستاپ، بارىس بەينەلەنگەن قابىرعا سۋرەتىن قالپىنا كەلتىرەمىز»، - دەلىنگەن حابارلامادا.
ەسكە سالايىق، بۇعان دەيىن الماتىلىقتار قار بارىسى بار قابىرعا سۋرەتىن الىپ تاستاعانى ءۇشىن نارازى بولعان ەدى. ونىڭ ورنىنا Coca-Cola جارناماسى پايدا بولىپ، الەۋمەتتىك جەلىلەردە سىن تۋدىردى.
