Memleket basşysy Qasym-Jomart Toqaev Bas prokuror Berık Asylovty qabyldady. Būl turaly Aqorda jazdy, dep habarlaidy “Adyrna”.
Prezidentke eldegı zaŋ üstemdıgınıŋ jai-küiı men prokuratura qyzmetınıŋ negızgı baǧyttary boiynşa jūmys nätijelerı baiandaldy.
Qasym-Jomart Toqaevqa arnaiy prokurorlardyŋ qoǧamda rezonans tudyrǧan jäne memleket müddesıne, sondai-aq azaptauǧa qatysty asa maŋyzdy qylmystyq ısterdı tergep-tekseru barysy jönınde esep berıldı.
Biyl arnaiy prokurorlar sotqa 55 qylmystyq ıs joldap, sonyŋ negızınde 112 adam sottalǧan. Taǧy 80 ıs sottardyŋ qarauynda jatyr. Arnaiy prokurorlar teksergen ıster boiynşa jalpy somasy 14,4 milliard teŋge zalal öteldı.
Būdan bölek, Memleket basşysyna qylmystyq jolmen tapqan kırısterdı ızdestırudıŋ jaŋa täsılderı men ony el ekonomikasyna paidalanudyŋ perspektivasy jönınde mälımet ūsynyldy. Qozǧalǧan qylmystyq ıster boiynşa jalpy qūny 105 milliard teŋge bolatyn mülıkke tyiym salyndy. Sonyŋ ışınde prokurorlar basqa da qūqyq qorǧau organdarymen bırge tek esırtkıge qarsy ıster boiynşa 15 milliard teŋgege juyq aktivterdı qolǧa tüsırgen.
Bas prokuror Berık Asylov aktivterdı qaitaru mäselesı turaly da aitty. Ekı jyl ışınde prokuratura organdary arqyly 850 milliard teŋgenıŋ aktivterı qaitaryldy. Būl qarajat öŋırlerde 400-ge juyq äleumettık jäne kommunaldyq nysan saluǧa jūmsalady. Bügınde 60 ǧimarattyŋ qūrylysy aiaqtalǧan.
Prezidenttıŋ Qazaqstan halqyna Joldauyn jüzege asyru maqsatynda jäne biznestı belsendı qoldau üşın Bas prokuraturaǧa qarasty vedomstvonyŋ atauy özgermek. Jaŋa format investisiiaǧa oŋtaily jaǧdai jasap, käsıpkerler men investorlardyŋ qūqyǧyn qorǧauǧa mümkındık beredı.
Qasym-Jomart Toqaev barlyq salada zaŋdylyqty qamtamasyz etu jäne qoǧamda "Zaŋ men tärtıp" qaǧidatyn nyǧaitu jūmystaryn jalǧastyrudy tapsyrdy. Sonymen qatar qūqyq qorǧau jäne memlekettık organdardyŋ alaiaqtyqqa, esırtkı saudasyna, tūrmystyq zorlyq-zombylyqqa, vandalizmge qarsy ıs-qimylyn, biznestı negızsız qylmystyq qudalauǧa jol bermeu jūmystaryn tiımdı üilestıru maŋyzdy ekenın atap öttı.
