Memleket basşysy jaŋa Konstitusiia jobasy boiynşa ötken respublikalyq referendumǧa qatysyp, Oquşylar saraiynda ornalasqan № 51 referendum uchaskesınde dauys berdı.
Prezident dauys bergen soŋ otandyq jäne şeteldık būqaralyq aqparat qūraldarynyŋ ökılderıne arnalǧan brifing ötkızdı.
Qasym-Jomart Toqaev bügın elımızdıŋ damuy men keleşegı üşın erekşe maŋyzdy kün ekenın atap öttı.
"Bügın elımızdıŋ taǧdyryn aiqyndaityn kün. Barşaŋyzǧa qūtty bolsyn! Şyn mänınde, būl – tarihi qūjat. Ol azamattarymyzdyŋ qūqyqtary men bostandyqtaryna kepıldık beredı. Sondyqtan onyŋ maŋyzy öte joǧary. Jaŋa Konstitusiia elımızdıŋ, jerımızdıŋ tūtastyǧyn, Täuelsızdıgı men Egemendıgın qorǧaidy. 1995 jyly qabyldanǧan Konstitusiia erekşe röl atqardy. Elımız 35 jyl osy qūjatpen ömır sürdı. Bıraq zaman bır orynda tūrmaidy. Sol sebeptı jaŋa Konstitusiia qabyldaityn uaqyt keldı. Būl jūmysqa men de belsene atsalystym. Konstitusiianyŋ preambulasyn jäne basqa da normalaryn özım jazdym. Jaŋa Ata zaŋ el igılıgıne, keleşegıne qyzmet etedı dep senemın", – dedı Memleket basşysy.
Būdan keiın Prezident konstitusiialyq reformanyŋ negızgı maqsaty men mındetterıne, sondai-aq halyqaralyq kün tärtıbıne qatysty bırqatar saualǧa jauap berdı.
