Qazaqstanda ajyrasu körsetkışı tömendegen. Būl turaly Mädeniet jäne aqparat ministrı Aida Balaeva mälımdedı, dep habarlaidy "Adyrna".
Qazaqstandyqtardy Otbasy künımen qūttyqtaǧan vedomstvo basşysynyŋ aituynşa, elımızde otbasy qūndylyǧy artyp keledı.
"Otbasy – ūrpaqtar sabaqtastyǧyn jalǧaityn, adamǧa mınez-qūlyq pen bolmys qalyptastyratyn ärı ömırge män beretın küş. Qoǧamnyŋ bolaşaǧy da, eldıŋ kelısım men örkendeuge jeter joly da berık otbasylarǧa bailanysty. Halqymyz tegınnen-tegın: «Otan – otbasynan bastalady» demegen. Balalarǧa qamqorlyq, ülkenderge qūrmet, dästür men ruhani qūndylyqtardyŋ sabaqtastyǧy halqymyzdy bırtūtas ärı quatty etedı", - dep atap öttı ministr.
Sonymen qatar Balaeva Prezidentımız Qasym-Jomart Toqaev atap ötkendei: «Berık otbasy – eldıŋ üilesımdı ärı tūraqty damuynyŋ senımdı kepılı. Sondyqtan memleket ana men balaǧa qamqorlyq jasau jüiesın jetıldıruge, otbasylyq qūndylyqtardy ılgerıletuge airyqşa nazar audarady» degen sözın mysalǧa keltırdı.
"Elımızde otbasy institutynyŋ nyǧaiyp kele jatqany quantady. Sosiologiialyq derekterge süiensek, qazaqstandyqtardyŋ basym bölıgı üşın (85–89%) basty qūndylyq – erlı-zaiyptylar men balalar arasyndaǧy özara süiıspenşılık, syilastyq pen tüsınıstık. Däl osy qūndylyqtar myqty ärı berekelı otbasynyŋ negızın qalaidy. Ajyrasulardyŋ azaiu ürdısı baiqaluda. Soŋǧy bes jylda olardyŋ sany şamamen 16%-ǧa tömendedı (2020 jyly – 48,2 myŋnan, 2024 jyly – 40,5 myŋǧa deiın). Būl erlı-zaiyptylardyŋ jauapkerşılıgınıŋ artyp, otbasyn saqtap qaluǧa ūmtylysyn aiǧaqtaidy", - dedı vedomstvo basşysy.
Belgılı bolǧandai, 2019 jyldan bastap Joǧarǧy Sotpen bırlesıp, kämeletke tolmaǧandardyŋ ısterı jönındegı sottarda «Baqytty otbasy» jobasy jüzege asyrylyp keledı. Joba ajyrasu üderısınde tuyndaityn daulardy şeşuge baǧyttalǧan. Onyŋ aiasynda psihologtar, zaŋgerler, mediatorlar jäne äleumettık qyzmetkerler keŋes beredı. 2024 jyly ısterdıŋ 37,5%-y tatulasumen aiaqtaldy (2023 jyly – 33,1%), būl jobanyŋ tiımdılıgın körsetedı.
"Neke qūrǧaly jatqan jūptarǧa arnalǧan qarym-qatynasty üilestıruge baǧyttalǧan oqytu baǧdarlamalaryna erekşe köŋıl bölınedı. Sonymen qatar, ata-ana jauapkerşılıgın arttyryp, bala tärbiesıne sanaly közqaras qalyptastyrudy maqsat etken «Ata-analar akademiiasy» jobasynyŋ maŋyzy zor. Azamattardy qoldauǧa otbasy qoldau ortalyqtary (OQO) da eleulı üles qosyp otyr. Bügınde elımızde 131 ortalyq jūmys ısteidı. Olar myŋdaǧan otbasynyŋ süienışıne ainalǧan. Jyl basynan berı 40 myŋnan astam azamat OQO-ǧa jügındı. Eŋ özektı mäseleler boiynşa 15 myŋnan astam keŋes berıldı, taǧy şamamen 4 myŋ adam keşendı qoldauǧa alyndy. Qadırlı dostar! Är şaŋyraqta beibıtşılık, süiıspenşılık pen kelısım ornasyn! Sızderdıŋ otbasylaryŋyzǧa baqyt, densaulyq pen bereke tıleimın. Al ösıp kele jatqan ūrpaq qamqorlyq pen özara qūrmetke toly ortada boi tüzesın", - dep tüiındedı Aida Balaeva.
