Maŋǧystau oblysy Mūnaily audany Aqtau qalasyna jaqyn jerde ornalasqan tūrǧyn alabynda bır otbasy gazǧa ulanyp, üş adam qaza tapty. Mälımetterdı jergılıktı bilık rastady, dep habarlaidy “Adyrna” ūlttyq portaly.
Mälımet boiynşa, 23 aqpanda Mūnaily audanynda ornalasqan "Qalamqas" tūrǧyn alabynda ört boldy.
“Bır otbasynyŋ tört müşesı kömırqyşqyl gazynan ulanǧan. Oqiǧa ornynda üş adam qaza tapty, onyŋ ekeuı – jasöspırım. Bır adam aman qaldy. Ol auyr halde oblystyq köpsalaly auruhanaǧa jatqyzyldy”, delıngen Maŋǧystau oblysy tötenşe jaǧdailar departamentınıŋ habarlamasynda.
Mūnaily audany äkımdıgınıŋ baspasöz qyzmetı marqūmdardyŋ otbasylaryna materialdyq kömek körsetılgenın habarlady. Basqa da qajettı qoldau şaralary qabyldandy deidı.
Aldyn ala boljam boiynşa, üidegı jylytu peşınıŋ mūrjasy bolmaǧan. Osynyŋ saldarynan uly gaz syrtqa şyqpai, üi ışıne jaiylǧan.
