Parlament otyrysynda anasyn tuǧan künımen qūttyqtaǧan Mäjılıs deputaty Ardaq Nazarov özın synaǧandarǧa jauap berdı, dep habarlaidy «Adyrna» tılşısı.
Ol jurnalisterge bergen jauabynda būl äreketınıŋ astary bar ekenın jetkızdı.
«Men anasyn qūrmettemei jürgenderge ülgı bolsyn dep aittym. Jalpy halyq qarsy emes, tek keibır adamdardyŋ nietı bölek. Anasyn syilai almaityndar qarsy, al ata-anasyn ardaqtaityndar qoldaidy. Sondyqtan öz baǧytymnan qaitpaimyn. Demalys künderı anama baryp, syilyq berıp, quantyp qaittym. Būl – menıŋ ūl retındegı paryzym»,– dedı Nazarov.
Sondai-aq deputat eşqandai reglamenttı būzbaǧanyn atap öttı.
«Eşkım menı parlamentte qaralaǧan joq. Basşylyq ta, ärıptesterım de menı qoldap otyr. Qazaqstanda anasyn qorlap, äkesın ūryp jatqan jaǧdailar bar. Menıŋ sözım soǧan önege bolsyn degen maqsatta aityldy»,– dedı ol.
